મોરબીના ઉમિયાનગરમાં ઘરની પાછળથી ૪૫ બીયર સાથે આરોપીની ધરપકડ

મોરબીના સામાકાંઠા વિસ્તારમાં સિરામિક સિટીની પાછળના ભાગમાં આવેલ ઉમિયાનગરમાં રહેણાંક મકાનની પાછળના ભાગમાં પોલીસે રેડ કરી હતી ત્યારે ત્યાંથી બિયરના ૪૫ ટીન મળી આવ્યા હતા જેથી પોલીસે ૪૫૦૦ રૂપિયાની કિંમતનો બિયરનો જથ્થો કબજે કર્યો હતો અને આરોપીની ધરપકડ કરી આગળની રાબેતા મુજબની કાર્યવાહી કરી હતી

બનાવની જાણવા મળતી માહિતી મુજબ મોરબી વાંકાનેર હાઇવે ઉપર આવેલ સિરામિક સીટીની પાછળના ભાગમાં ઉમિયાનગરમાં રહેતા હિતેશભાઈ ડાભીના ઘરની પાછળ દારૂ બિયરનો જથ્થો હોવાની હકીકત મળી હતી તેના આધારે પોલીસે ત્યાં રેડ કરી હતી ત્યારે હિતેશભાઈ ડાભીના રહેણાંક મકાનની પાછળના ભાગમાંથી બિયરના ૪૫ ટીન મળી આવ્યા હતા જેથી કરીને પોલીસે ૪૫૦૦ રૂપિયાની કિંમતનો બિયરનો જથ્થો કબજે કર્યો હતો અને આરોપી હિતેશભાઈ દેવશીભાઈ ડાભી જાતે અનુ. જાતિ (૨૮) રહે. ઉમિયાનગર મોરબી વાળાની ધરપકડ કરી આગળની કાર્યવાહી હાથ ધરી હતી અને તેની પાસેથી મળી આવેલ બીયર તે ક્યાંથી લાવ્યો હતો તે દિશામાં પોલીસે આગળની તપાસ શરૂ કરેલ છે

ફિનાઇલ પીધું

મોરબી તાલુકાના લીલાપર ગામે રહેતા ચંદાબેન સુરેશભાઈ દેવીપુજક (૨૦) નામની મહિલાએ મોરબીના સનાળા રોડ ઉપર આવેલ નવા બસ સ્ટેશન પાસે કોઈ કારણોસર ફીનાઇલ પી લીધું હતું જેથી કરીને તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી છે અને આ બનાવની વધુ તપાસ મોરબી એ ડિવિઝન પોલીસ સ્ટેશનના હરેશભાઈ ચાવડા ચલાવી રહ્યા છે