મોરબીમાં રસ્તા ઉપર યુવતી સાથે બાઇક સ્ટંટ કરનાર યુવાનની ધરપકડ

મોરબીના રાજકોટ રોડે બાઇક ઉપર આગળ પેટ્રોલની ટાંકી ઉપર યુવતીને બેસાડીને જોખમી સ્ટંટ કરવામાં આવ્યા હતા જેનો વિડીયો હાલમાં સોશ્યલ મીડિયામાં વાઇરલ થયેલ હતો જેથી કરીને પોલીસે બાઈકના નંબર આધારે જોખમી સ્ટંટ કરનારા શખ્સને પકડીને આગળની કાર્યવાહી કારેલ છે

જાણવા મળતી માહિતી મુજબ મોરબી રાજકોટ હાઇવે ઉપર બાઇકમાં આગળ પેટ્રોલની ટાંકી ઉપર યુવતીને બેસાડીને જોખમી સ્ટંટ કરવામાં આવ્યા હતા અને તે જોખમી સ્ટંટનો વિડીયો વાઇરલ થયો હતો જેથી કરીને મોરબી સીટી એ ડીવીજન પોલીસે બાઈકના નંબર જીજે ૩૬ એએચ ૧૪૨૮ ના આધારે સ્ટંટ કરનારા શખ્સને પકડવા માટે તજવીજ શરૂ કરી હતી અને મોરબી રાજકોટ હાઇવે ઉપર સ્ત્રી મિત્ર સાથે બાઇક ઉપર સ્ટંટ કરનારા શખ્સ બળવંતભાઈ ગોવીદભાઈ ચાવડા  રહે. નવયુગ સ્કુલ પાસે નકલંગ સોસાયટી શેરી નં.૧ કન્યા છાત્રાલય રોડ મોરબી વાળાની ધરપકડ કરેલ છે