ટંકારાના સજનપર ગામેથી સગીરાનું અપહરણ કરનાર સગી માસીની ધરપકડ

ટંકારા તાલુકાના સજનપર ગામે રહેતા આધેડની સગીર વયની દીકરીનું તેની જ સાળી દ્વારા અપહરણ કરવામાં આવ્યું હતું જેથી કરીને સગીરાના પિતાએ ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે આરોપીને પકડવા અને સગીરાને શોધવા માટે તજવીજ શરૂ કરેલ હતી અને હાલમાં સગીરાને શોધીને તેના વાલીને સોપવામાં આવેલ છે અને આરોપી મહિલાની ધરપકડ કરેલ છે

બનાવની જાણવા મળતી માહિતી પ્રમાણે ટંકારા તાલુકાના સજનપર ગામે રહેતા અને માલ ઢોર ચરાવવાનો ધંધો કરતા કાળુભાઈ ઘેલાભાઈ ખાટરીયા જાતે ભરવાડ (૫૨)એ તેની સાળી સોનુબેન ધરમશીભાઈ સાકરીયા જાતે દેવીપુજક રહે. સુરત અમરોલી વાળાની સામે દીકરીના અપહરણની ફરિયાદ નોંધાવેલ હતી કે, તેની દીકરી હેતલ (૧૦ વર્ષ, ૧૧ મહિના)નું તેના સાળી સોનુબેન ધરમશીભાઈ દ્વારા અપહરણ કરવામાં આવ્યું છે જેથી આધેડે નોંધાવેલ ફરિયાદ આધારે પોલીસે ગુનો નોંધીને સગીરાને શોધવા અને આરોપીને પકડવા માટે તજવીજ શરૂ કરવામાં આવી હતી અને હાલમાં સીપીઆઈ વી.પી. ગોલ અને તેની ટિમ દ્વારા આરોપી સોનુબેન ધરમસિંહભાઇ સોલંકી રહે. કોસાડ આવાસ, અમરોલી, સુરત શહેર વાળીની ધરપકડ કરવામાં આવેલ છે અને સગીરાને તેના વાલીને હવાલે કરવામાં આવેલ છે