વાંકાનેરના ભીમગુડા ગામે વાડીની ઓરડીમાંથી દારૂની ૨૦૬ બોટલ સાથે એક પકડાયો: બેની શોધખોળ

વાંકાનેર તાલુકાના ભીમગુડા ગામની સીમમાં વાડીએ દારૂની રેડ કરી હતી ત્યારે વાડીમાંથી ઇંગ્લીશ દારૂની નાની મોટી ૨૦૬ બોટલો મળી આવી હતી જેથી પોલીસે ૨૯,૨૦૦ ના મુદ્દામાલ સાથે એક શખ્સની ધરપકડ કરેલ છે અને વાંકાનેર તાલુકા પોલીસ સ્ટેશને ગુનો નોંધીને આગળની કાર્યવાહી કરેલ છે

વાંકાનેર તાલુકા પીએસઆઈ બી.પી. સોનારા તથા તેની ટીમ પેટ્રોલીંગમાં હતી ત્યારે ભીમગુડા ગામની આંકડીયો ઢોળો નામથી ઓળખાતી સીમમાં આરોપીના કબ્જા ભોગવટાવાળી વાડીની ઓરડીમાંથી દારૂ હોવાની હક્કિત મળી હતી જેથી ત્યાં રેડ કરી હતી ત્યારે અલગ અલગ બ્રાન્ડની ઇંગ્લીશ દારૂની નાની મોટી ૨૦૬ બોટલો મળી આવી હતી જેથી કરીને પોલીસે ૨૯,૨૦૦ ના મુદ્દામાલ સાથે અનીલભાઇ અવચરભાઇ વીંઝવાડીયા જાતે કોળી (૨૫) રહે. ભીમગુડા તાલુકો વાંકાનેર વાળાની ધરપકડ કરેલ છે અને અને તેને બળવંતસિંહ જીલુભા ઝાલા રહે. નાળધી તાલુકો મુળી વાળાએ માલ આપ્યો હોવાનું સામે આવ્યું છે તેમજ વીક્રમભાઇ ગગજીભાઇ અઘારા રહે. રામપર તાલુકો મુળી વાળો માલ આપી ગયો હોવાનું સામે આવેલ છે જેથી કરીને પોલીસે તે બંનેની સામે પણ ગુનો નોંધીને તેને પકડવા માટે તજવીજ શરૂ કરેલ છે