ટંકારા તાલુકા પંચાયતની સામાન્ય સભાની બેઠકમાં કારોબારીની રચના કરાઇ

ટંકારા તાલુકા પંચાયતમાં કારોબારી સમિતિની રચના કરવામાં માટે સામાન્ય સભાનું આયોજન કરવામાં આવ્યું હતું જેમાં ભાજપના સંગઠન અને ચૂંટાયેલા સભ્યો વચ્ચે સારી રીતે સંકલન થયા પછી નવી કારોબારીની રચના કરવામાં આવેલ છે

ટંકારા તાલુકા પંચાયતમાં પ્રમુખના અધ્યક્ષ સ્થાને સામાન્ય સભાની બેઠકનું આયોજન કરવામાં આવ્યું હતું જેમાં કારોબારી સમિતિની રચના કરવામાં આવેલ છે અને હાલમાં કારોબારી સમિતિમાં અલ્પેશભાઇ ચુનીલાલ દલસાણીયા, નીમુબેન ડાયાભાઇ ડાંગર, મણિલાલ ડાયાલાલ કુંડારિયા, અરવિંફભાઇ મોહનભાઇ દુબરિયા, રમીલાબેન લાલજીભાઈ દેત્રોજા, સલિમભાઈ હાસમભાઇ અબ્રાણી અને પુષ્પાબેન પ્રભુભાઈ કામરિયા નો સમાવેશ કરવામાં આવેલ છે અત્રે ઉલેખનીય છે કે, આગાઉ કારોબારી સમિતિની રચના કરવામાં આવી હતી ત્યારે બળવો કરવામાં આવ્યો હતો જો કે, ત્યાર બાદ બળવો કરીને બનેલ સમિતિના તમામ સભ્યોએ પ્રમુખને રાજીનામાં આપી દીધા હતા ત્યાર બાદ તાલુકા પંચાયતમાં ફરી સામાન્ય સભાની બેઠક બોલાવીને નવી કમિટીની રચના કરવામાં આવી છે