મોરબીના ઝૂલતા પુલ કેસમાં જયસુખભાઈ પટેલની જામીન અરજીની હવે ૨૭ મી એ સુનાવણી
Morbi Today
વાહ પાટીદાર: મોરબીમાં ઓ.આર પટેલની ૧૧મી પુણ્યતિથિ યોજાયેલ મહા રક્તદાન કેમ્પમાં બે વર્લ્ડ રેકોર્ડ સર્જાયા, બ્લડ બેંકોનો પન્નો ટૂંકી પડી !
SHARE
JOIN OUR GROUP
વાહ પાટીદાર: મોરબીમાં ઓ.આર પટેલની ૧૧મી પુણ્યતિથિ યોજાયેલ મહા રક્તદાન કેમ્પમાં બે વર્લ્ડ રેકોર્ડ સર્જાયા, બ્લડ બેંકોનો પન્નો ટૂંકી પડી !
મોરબી જ નહીં પરંતુ સૌરાષ્ટ્ર અને ગુજરાતમાં અને ગુજરાત બહાર પણ અનેક સંસ્થાઓમાં છૂટા હાથે દાન આપનારા પાટીદાર ભામાશા સ્વ. ઓ.આર પટેલની ૧૧ મી પુણ્યતિથિ નિમિતે મેગા બ્લડ ડોનેશન કેમ્પનું આયોજન કરવામાં આવ્યું હતું અને મોરબી સહિત કુલ મળીને ૨૭ થી વધુ સ્થળે જે કેમ્પ યોજયા હતા તેમાં બે વર્લ્ડ રેકોર્ડ બન્યા છે જેથી કરીને વર્લ્ડ રેકોર્ડ ઓફ ઈન્ડિયા જીનીયસ ફાઉન્ડેશન દ્વારા કેમ્પના આયોજક મોરબી જિલ્લા પાટીદાર સમાજને જુદાજુદા બે રેકોર્ડ માટે સર્ટિફિકેટ આપીને સન્માનીત કરવામાં આવેલ છે
મોરબી સિરામિક, ઘડિયાળ અને નળિયા માટે વર્ષોથી જાણીતું છે જો કે, મોરબી હવે બ્લડ ડોનેશન માટે પણ ના માત્ર મોરબી કે ગુજરાત પરંતુ વર્લ્ડમાં જાણીતું આજથી થઈ ગયું છે આ વાત સાંભળીને જરાપણ ચોંકીજવાની જરૂર નથી કેમ કે, પાટીદાર ભામાશા સ્વ. ઓ.આર. પટેલે અજંતા કલોક થકી મોરબીનું નામ વિશ્વના ફલક ઉપર ગુંજતું કર્યું છે તેમાં શંકાને કોઈ સ્થાન નથી અને સૌથી મોટી વાત એ છે કે તેઓએ કારખાનામાં બહેનોને કામે રાખીને મહિલાને રોજગારી પૂરી પાડવા માટેનું ઉત્તમ કામ કર્યું હતું જેની રાજ્યના તાત્કાલિક મુખ્યમંત્રી અને દેશના વર્તમાન વડાપ્રધાન નરેન્દ્રભાઈ મોદીએ પણ નોંધ લીધી હતી
સ્વ. ઓ.આર. પટેલે મહિલાઓને સ્વનિર્ભર બનાવી, કન્યા કેળવણી, પાણીનો સંગ્રહ કરવા સહિતના જુદાજુદા ક્ષેત્રમાં ખૂબ જ મોટું યોગદાન આપ્યું છે ત્યારે સ્વ. ઓ.આર.પટેલની તા.૧૮ ના રોજ ૧૧ મી પુણ્યતિથિ હતી જેથી કરીને મોરબી જિલ્લા પાટીદાર સમાજ દ્વારા સ્વ. ઓ.આર.પટેલની બીજાને મદદરૂપ થવાની વિચારધારાને અનુસરીને મેગા બ્લડ ડોનેશન કેમ્પનું મોરબીના શનાળા ગામે આવેલ પટેલ સમાજ વાડી ખાતે મેગા બ્લડ ડોનેશન કેમ્પનું આયોજન કરવામાં આવ્યું હતું જેમાં મોરબીના દરેક સમાજના લોકો તેમજ સિરામિક એસો.ના સહકારથી એક જ જગ્યા ઉપર કોઈ એક ઇવેંટમાં સૌથી વધુ એટ્લે કે ૭૦૦૦ થી વધુ રક્તદાતાઓએ રક્તદાન કર્યું છે જેથી કરીને વર્લ્ડ રેકોર્ડ બન્યો છે
તેમજ આજના દિવસે કુલ મળીને ૨૭ જગ્યાએ જે કેમ્પ યોજવામાં આવ્યા હતા તેમ કુલ મળીને ૨૦,૦૦૦ થી વધુ લોકોએ રક્તદાન કર્યું છે જેથી તે પણ વર્લ્ડ રેકોર્ડ બનેલ છે માટે વર્લ્ડ રેકોર્ડ ઓફ ઈન્ડિયા જીનીયસ ફાઉન્ડેશનના પ્રમુખ પાવનભાઇ સોલંકી દ્વારા બે સર્ટિફિકેટ આપીને આ મહા રકતદાન કેમ્પના આયોજક મોરબી જિલ્લા પાટીદાર સમાજને સન્માનીત કરવામાં આવેલ છે તેમજ ૧૪ જેટલી બ્લડ બેન્કો મોરબીમાં આવી હતી તેની પાસે બ્લડ લેવા માટેની સામગ્રી ખૂટી પડી હતી જેથી કરીને લગભગ ૮૦૦ થી ૧૦૦૦ જેટલા રક્તદાતાઓ રક્તદાન કરી શક્યા ન હતા તે પણ હકકીત છે
