મોરબીમાં માસૂમ બાળકી સાથે દુષ્કર્મ આચરનાર સાવકા પિતાને ૨૦ વર્ષની સજા
SHARE
JOIN OUR GROUP
મોરબીમાં માસૂમ બાળકી સાથે દુષ્કર્મ આચરનાર સાવકા પિતાને ૨૦ વર્ષની સજા
મોરબીના સિરામિક કારખાનામાં રહેતી મહિલા સાથે પતિની જેમ રહેતા શખ્સે તે મહિલાની સાડા પાંચ વર્ષની દીકરીને કવાર્ટરમાં નગ્ન કરીને તે બાળકી સાથે દુષ્કર્મ આચર્યું હતું જે કેસમાં મોરબીની સ્પેશ્યલ પોક્સો કોર્ટમાં ચાલી ગયો હતો જેમાં આરોપીને કોર્ટે ૨૦ વર્ષની સખ્ત કેદની સજા અને દંડનો હુકમ કરેલ છે
મોરબીના ગ્રામ્ય પંથકમાં આવેલ સિરામિક કારખાનામાં સાડા પાંચ વર્ષની બાળકી સાથે દુષ્કર્મનો બનાવ બનેલ હતો જેથી કરીને બાળકીની માતાએ તા. ૭/૧૦/૨૦૨૨ ના રોજ મોરબી તાલુકા પોલીસ સ્ટેશનમાં ફરિયાદ નોંધાવી હતી જેમાં જણાવ્યુ હતું કે, ફરિયાદી મહિલા સાથે પતિની જેમ રહેતા શખ્સે તે મહિલાની આગલા ઘરની દીકરી કે જેની ઉમર સાડા પાંચ છે તેની સાથે લેબર કવાર્ટરમાં બાળકીને નગ્ન કરીને દુષ્કર્મ આચર્યું હતું જેથી પોલીસે આરોપી રવિરાજ રાજેન્દ્રભાઈ થરેસાની ધરપકડ કરી હતી અને કોર્ટમાં ચાર્જશીટ રજુ કર્યું હતું જે કેસ મોરબીની સ્પેશ્યલ પોક્સો કોર્ટમાં ચાલી જતા મદદનીશ સરકારી વકીલ નીરજ ડી. કારીઆએ ૧૩ મૌખિક અને ૩૭ દસ્તાવેજી પુરાવા રજુ કર્યા હતા જેને ધ્યાને લઈને કોર્ટે આરોપી રવિરાજ રાજેન્દ્રભાઈ થરેસાને ૨૦ વર્ષની સખ્ત કેદની સજા અને ૨૦,૦૦૦ નો દંડ ફટકાર્યો છે અને દંડના ભરે તો વધુ ૬ માસની સખ્ત કેદની સજાનો હુકમ કર્યો છે તેમજ ભોગ બનનારને વિકટીમ કંપ્નેસેશન સ્કીમ હેઠળ ૪ લાખનું વળતર અને આરોપી દંડ ભરે તો દંડની રકમ સહીત ૪.૨૦ લાખ ચુકવવા હુકમ કરેલ છે
