મોરબીમાં પોલીસ ફરિયાદ કરનારા યુવાનને જાનથી મારી નાખવાની ધમકી

મોરબીની રામજીયાણી શેરીમાં રહેતા યુવાને અગાઉ કરેલ ફરિયાદનો ખાર રાખીને તેને ફોન કરીને જેમ ફાવે તેમ ગાળો આપવામાં આવી હતી અને જાનથી મારી નાખવાની ધમકી આપવામાં આવી છે જેથી કરીને યુવાને હાલમાં વધુ એક ફરિયાદ મોરબી સીટી એ ડિવિઝન પોલીસ સ્ટેશન ખાતે નોંધાવી છે જેના આધારે પોલીસે આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી પ્રમાણે મોરબીમાં ગ્રીન ચોક પાસે આવેલ રામજીયાણી શેરીમાં રહેતા વિરલભાઈ જગદીશભાઈ મીરાણી જાતે લોહાણા (૩૨)એ હાલમાં મોરબી એ ડિવિઝન પોલીસ સ્ટેશન ખાતે સિકંદર દિલાવરભાઇ મોવર રહે. ગોકુલ ફાર્મ સામે સ્વાસ્તીક એપાર્ટમેન્ટ મોરબી વાળાની સામે ફરિયાદ નોંધાવેલ છે જેમાં તેને જણાવ્યું છે કે, અગાઉ તેણે સિકંદર સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવી હતી જેનો ખાર રાખીને આરોપી સિકંદર મોવરે તેને ફોન કર્યો હતો અને ફોનમાં બેફામ ગાળો આપીને જાનથી મારી રાખવાની ધમકી આપી હતી જેથી કરીને ભોગ બનેલા યુવાને નોંધાવેલ ફરિયાદ આધારે પોલીસે હાલમાં ગુનો નોંધી આરોપીને પકડવા માટે તજવીજ શરૂ કરેલ છે અને આ બનાવની વધુ તપાસ મોરબી એ ડિવિઝન પોલીસ સ્ટેશનના હેડ કોન્સ્ટેબલ પી.બી. ઝાલા ચલાવી રહ્યા છે