મોરબીમાં હિન્દુ યુવાનની હત્યા કરનારા વિધર્મીના ગેરકાયદે બાંધકામો તોડી પાડવા કલેક્ટરને રજૂઆત
Morbi Today
મોરબીના નાની વાવડી ગામે બેડમિન્ટન રમતો સમયે હાર્ટ એટેક આવતા શિક્ષકનું મોત
SHARE
JOIN OUR GROUP
મોરબીના નાની વાવડી ગામે બેડમિન્ટન રમતો સમયે હાર્ટ એટેક આવતા શિક્ષકનું મોત
મોરબી નજીકના નાનીવાવડી ગામે આવેલ સરકારી શાળાની અંદર શિક્ષક તરીકે ફરજ બજાવતો યુવાન ઘર પાસે બેડમિન્ટન રમતો હતો ત્યારે અચાનક તેને હાર્ટ એટેકનો હુમલો આવતા તે યુવાનને મોરબીની ખાનગી હોસ્પીટલમાં સારવાર માટે લઈને આવ્યા હતા ત્યાં ફરજ ઉપરના ડોક્ટરે તેને મૃત જાહેર કર્યો હતો અને આ બનાવની મોરબી એ ડિવિઝન પોલીસને જાણ કરતાં પોલીસે બનાવની નોંધ કરીને આગળની કાર્યવાહી કરી હતી
છેલ્લા ઘણા સમયથી યુવાનોમાં હાર્ટ એટેકના બનાવો ચિંતાજનક રીતે વધી રહ્યા છે અને જુદા જુદા વિસ્તારોની અંદર હાર્ટ એટેકની ઘટનામાં યુવાનો સહિતના લોકોના મૃત્યુ થતા હોય તેવું જોવા મળી રહ્યું છે દરમ્યાન મૂળ ખરેડા ગામના રહેવાસી અને હાલમાં મોરબી નજીકના નાની વાવડી ગામે આવેલ ઉચ્ચતર માધ્યમિક શાળામાં શિક્ષક તરીકે ફરજ બજાવતા અને ત્યાં આવેલ ભૂમિ ટાવરમાં રહેતા દીપકભાઈ દલપતભાઈ વૈષ્ણવ (૪૬) નામનો યુવાન ભુમી ટાવર પાસે બેડમિન્ટન રમતો હતો દરમિયાન તેને હાર્ટ અટેકનો હુમલો આવતા તેને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં ફરજ પરના ડોક્ટરે તેને જોઈ તપાસીને મૃત જાહેર કરીને આ બનાવની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
મારામારીના બનાવમાં ઈજા થતા સારવારમાં
મોરબીના વીસીપરામાં આવેલ રોહીદાસપરા વિસ્તારમાં રહેતા રાહુલભાઈ દિનેશભાઈ ચૌહાણ (ઉંમર ૧૯) અને અલ્તાફ અબ્દુલભાઈ જેડા (ઉમર ૨૪) વાળાઓને મોરબીના માળિયા મીંયાણા નજીક આવેલી ઓનેસ્ટ હોટેલ પાસે કોઈ બાબતે થયેલી બોલાચાલી બાદની મારામારીના બનાવમાં ઇજાઓ થવાથી મોરબીની સરકારી હોસ્પિટલ ખાતે સારવાર માટે લાવવામાં આવ્યા હતા અને અહીં તેઓની સારવાર કરવામાં આવ્યા બાદ પ્રથમ બનાવ અંગે એ ડિવિઝન પોલીસ મથકે જાણ કરાતા એ ડિવિઝન પોલીસ મથકના વિપુલભાઈ ફુલતરીયા દ્વારા પ્રાથમિક તપાસ કરવામાં આવી હતી જોકે આ બનાવ માળિયા પોલીસ મથકનો હોય ત્યાં આ સંદર્ભે આગળની તપાસ માટે જાણ કરાયેલ છે.
શનાળા રોડ મારામારી
મોરબીના લાતી પ્લોટ વિસ્તારમાં બાજુ બાજુમાં રહેતા બે પરિવારો વચ્ચે કોઈ બાબતે ઝઘડો થયા બાદ શનાળા રોડ સરદાર બાગ સામે આવેલા પેટ્રોલ પંપ વાળી શેરીમાં સામસામે મારામારીનો બનાવ બન્યો હતો.જેમાં ઇજાગ્રસ્ત હાલતમાં નાથાભાઈ છગનભાઈ વાઘેલા દેવીપુજક (ઉમર ૨૭) અને સતીબેન છગનભાઈ વાઘેલા (ઉમર ૫૦) રહે.બંને લાતી પ્લોટ શેરી નંબર ૩-૪ ની વચ્ચે વાળાઓને તેમજ સામેના પક્ષેથી રાજુબેન નરસીભાઈ વાઘેલા (ઉંમર ૩૫) રહે.લાતી પ્લોટ શેરી નંબર ૩-૪ વચ્ચે વાળાઓને સારવાર માટે મોરબીની સરકારી હોસ્પિટલે લાવવામાં આવ્યા હતા અને આ બનાવ બાબતે હોસ્પીટલ દ્રારા પોલીસને જાણ કરાતા એ ડિવિઝન પોલીસ મથકના તપાસ અધિકારી વિપુલભાઇ પટેલએ પ્રાથમિક તપાસ કરી હતી.
હળવદ મારામારી
હળવદ તાલુકાના માથક ગામે મારામારીનો બનાવ બન્યો હતો આ બનાવમાં નિલેશ હેમુભાઈ મદ્રેસાણીયા નામના ૨૨ વર્ષના યુવાનને ઇજાઓ પહોંચી હતી જેથી તેને સારવાર માટે સિવિલ હોસ્પિટલે લાવવામાં આવ્યો હતો અહીં એ ડિવિઝન પોલીસ મથકે જાણ કરવામાં આવેલ હોવાથી એ ડિવિઝન પોલીસ મથકના વિ.કે.પટેલ દ્વારા પ્રાથમિક તપાસ કરીને આ બનાવ સંદર્ભે આગળની તપાસ માટે હળવદ પોલીસને જાણ કરવામાં આવી હતી.
