મોરબીમાં ફટાકડા ફોડવાના ઝઘડામાં યુવાનની હત્યા કરનારા આરોપીની ધરપકડ

મોરબીના લાભનગરમાં મંગળવારે રાત્રિના સમયે ફટાકડા ફોડવા બાબતે પાડોશીઓ વચ્ચે બોલોચાલી અને માથાકૂટ થઈ હતી અને ત્યારે ત્યાં સમજાવવા માટે ગયેલા ગઢવી યુવાનને મુસ્લિમ શખ્સે છાતીના ભાગે છરીનો જીવલેણ ઘ માર્યો હતો જેથી તે યુવાનનું રાજકોટ ખાતે સારવાર દરમિયાન તે યુવાનનું મોત નીપજયું હતું જે બનાવમાં મૃતકના પરિવારજનની ફરિયાદ લઈને પોલીસે આરોપીને પકડીને આગળની કાર્યવાહી કરેલ છે

મોરબી શહેરના સામાકાંઠા વિસ્તારમાં આવેલ લાભનગર-૨ માં ફટાકડા ફોડવા બાબતે બોલાચાલી અને માથાકૂટ થઈ હતી ત્યારે લાખાભાઈ ગઢવીના ઘર પાસે વલીમામદ હબીબભાઇ મિયાણા રહે. લાભનગર વાળો ફટાકડા ફોડી રહ્યો હતો અને ફટાકડા ફોડવાની ના પડતાં તેને સમજાવવા માટે ગયેલા રાજેશદાન અમરદાન નાંધુ જાતે ગઢવી (૪૮)ને વલીમામદે છાતીના ભાગે છરીનો ઘા ઝીકિ દીધો હતો જેથી તે યુવાનને રાજકોટ સુધી સારવાર માટે લઈને ગયા હતા જો કે, ત્યાં ટૂંકી સારવારમાં રાજેશદાન ગઢવીનું મોત નીપજયું હતું જે હત્યના બનાવમાં હાલમાં નારણભા પંચાણભા દેવસુર જાતે ગઢવી (૫૫) રહે. લાભનગર, વેજીટેબલ રોડ મોરબી વાળાએ વલીમામદ હબીબભાઇ મિયાણા રહે. લાભનગર વાળાની સામે ફરિયાદ નોંધાવતાં પોલીસે આરોપીની ધરપકડ કરીને આગળની કાર્યવાહી કરેલ છે અત્રે ઉલેખનીય છે કે, દિવાળીના તહેવાર ઉપર ફટાકડા ફોડવાની વાતને લઈને ઘણી વખત મારા મારીની ઘટનાઓ બનતી હોય તેવું સામે આવતું હોય છે ત્યારે મોરબીના લાભનગરમાં ફટાકડા ફોડવાનો ઝઘડો હત્યા સુધી પહોચ્યો છે હાલમાં જે આરોપીની ધરપકડ કરેલ છે તેની ઉપર અગાઉ પ્રોહિબિશન, મારા મારી સહિતના આઠ જેટલા ગુના નોંધાયેલ છે અને તેની સામે હદપારી સહિતના પગલાં પણ પોલીસ દ્વારા લેવામાં આવેલ છે જો કે, દિવાળીના તહેવાર પહેલા ફટાકડા ફોડવા બાબતે થયેલ માથાકૂટમાં યુવાની હત્યા કરવામાં આવેલ છે જેથી કરીને હાલમાં ગઢવી પરિવારમાં શોકનું મોજું ફરી વળ્યું છે