મોરબી પાલિકામાં લાંચ લેતા પકડાયેલા કલાર્ક જેલ હવાલે

મોરબી પાલિકા કચેરીમાં એસીબીની ટીમે રેડ કરી હતી ત્યારે લાંચ લેતા કલાર્કને રંગે હાથે ઝડપી લીધેલ હતો તે કલાર્કને રિમાન્ડની માંગણી સાથે કોર્ટમાં રજૂ કરવામાં આવ્યો હતો જો કે, રિમાન્ડ મંજૂર ન કરતાં હાલમાં પાલિકાના કલાર્કને જેલ હવાલે કરવામાં અવલે છે

મોરબી નગર પાલિકાના લગ્ન નોંધણી વિભાગમાં એસીબીની ટીમે લાંચનું છટકું ગોઠવ્યું હતું ત્યારે લગ્ન નોંધણી માટે આવેલ  અરજદાર પાસેથી પાલિકાના કલાર્ક મહેન્દ્રભાઇ ખાખીએ ૪૦૦૦ રૂપિયાની લાંચ માંગી હતી જે લાંચની રકમ તેના દ્વારા સ્વીકારવામાં આવતાની સાથે જ એસીબીની ટીમે તેને પકડી લીધો હતો અને તેની સામે કાયદેસરની કાર્યવાહી કરી હતી ત્યાર બાદ ત્રણ દિવસના રિમાન્ડની માંગણી સાથે લાંચ લેતા પકડાયેલા કલાર્કને મોરબી એસીબી સ્પેશ્યલ ડિસ્ટ્રિક્ટ કોર્ટમા રજુ કરવામાં આવ્યો હતો જો કે, કોર્ટે રિમાન્ડ મંજૂર ન કરતાં આરોપીને હાલમાં જેલ હવાલે કરવામાં આવેલ છે