ટંકારા પાસેથી ૧૯૨ બોટલ દારૂ ભરેલ કાર સાથે એકની ધરપકડ

મોરબી રાજકોટ હાઇવે ઉપર ટંકારા પાસે આવેલ ખીજડીયા ચોકડી પાસેથી ઇકો ગાડી પસાર થઈ રહી હતી ત્યારે પોલીસ દ્વારા તે ઈકો ગાડીને રોકીને ચેક કરવામાં આવી હતી અને ચેક કરવામાં આવી હતી ત્યારે તેમાંથી દારૂની ૧૯૨ બોટલો મળી આવી હતી જેથી કરીને પોલીસે દારૂ અને ગાડી મળીને ૩,૫૭,૬૦૦ ની કિંમતનો મુદ્દા માલ કબજે કર્યો હતો અને આરોપીની ધરપકડ કરી ગુનો નોંધી આગળની રાબેતા મુજબની કાર્યવાહી હાથ ધરી છે

જાણવા મળતી માહિતી મુજબ ટંકારા પોલીસ સ્ટેશનથી થોડે આગળના ભાગમાં આવેલ ખીજડીયા ચોકડી પાસેથી પસાર થતી ઈકો ગાડી નંબર જીજે ૧૦ ડીઇ ૯૭૩૦ ને પોલીસ દ્વારા રોકવામાં આવી હતી અને તે ગાડીને ચેક કરવામાં આવી હતી ત્યારે ગાડીમાંથી દારૂની ૧૯૨ બોટલો મળી આવી હોય પોલીસે ૫૭૬૦૦ ની કિંમતની દારૂની બોટલો તથા ત્રણ લાખ રૂપિયાની કિંમતની ગાડી આમ કુલ મળીને ૩,૫૭,૬૦૦ ની કિંમતનો મુદ્દામાલ સ્થળ ઉપરથી કબજે કર્યો છે અને આરોપી મંદીપસિંહ કનકસિંહ જાડેજા જાતે દરબાર (૨૭) રહે. એસા.આર. સ્કુલની બાજુમાં કેદાર પાર્ક જામનગર વાળાની ધરપકડ કરે છે અને ટંકારા તાલુકા પોલીસ સ્ટેશન ખાતે ગુનો નોંધીને આગળની રાબેતા મુજબની કાર્યવાહી હાથ ધરવામાં આવી છે તેમજ તેની પાસેથી મળી આવેલ દારૂની બોટલો તે ક્યાંથી લાવ્યો હતો અને કોને આપવા માટે જતો હતો તે દિશામાં પોલીસ દ્વારા આગળની તપાસ શરૂ કરવામાં આવી છે