મોરબીમાં મુળ નિવાસી સંઘ દ્વારા ડો.બાબાસાહેબ આંબેડકરના મહાપરિનિવાર્ણ દિને ધમ્મ યાત્રા નીકળી
Morbi Today
હળવદની મોરબી ચોકડીએ વાહન કેમ ઊભું રાખ્યું કહીને યુવાન ઉપર છરી વડે હુમલો
SHARE
JOIN OUR GROUP
હળવદની મોરબી ચોકડીએ વાહન કેમ ઊભું રાખ્યું કહીને યુવાન ઉપર છરી વડે હુમલો
બનાસકાંઠાના ડીસા તાલુકામાં રહેતો યુવાન પોતાનું વાહન લઈને ઘાસચારો ભરવા માટે થઈને મોરબી તરફ આવી રહ્યો હતો ત્યારે હળવદની મોરબી ચોકડી પાસે ગાડી કેમ ઉભી રાખી તેમ કહીને તેને ગાળો આપીને એક શખ્સે તેના ઉપર છરી વડે હુમલો કર્યો હતો અને તેના હાથે પગે છરીના ઘા ઝીકિ દીધા હતા જેથી તેને હાથે અને પગે ટાંકા આવ્યા હતા અને તે યુવાને સારવાર લીધા બાદ હાલમાં હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે મહેસાણાના શખ્સની સામે ગુનો નોંધીને આગળની રાબેતા મુજબની કાર્યવાહી હાથ ધરેલ છે.
બનાવની જાણવા મળતી માહિતી મુજબ બનાસકાંઠા જિલ્લાના ડીસા ખાતે રહેતા દિલાવરખાન ગુલાબખાન પઠાણ જાતે મુસ્લિમ (૪૧) નામના યુવાને હાલમાં હળવદ તાલુકા પોલીસ સ્ટેશન ખાતે મૂળ અમદાવાદ હાલ મહેસાણા રહેતા લાલો નામના શખ્સની સામે ફરિયાદ નોંધાવી છે જેમાં તેને જણાવ્યું છે કે, હળવદની મોરબી ચોકડી પાસે તેઓ ડીસાથી ઘાસચારો ભરવા માટે આવ્યા હતા ત્યારે પોતાની ગાડી ઊભી રાખીને ઉભા હતા ત્યાં ગાડી કેમ ઉભી રાખી તેમ કહીને આરોપીએ તેને ગાળો આપી હતી અને જમણા હાથે કોણીથી ઉપરના ભાગમાં તથા જમણા પગે ઢીંચણથી ઉપરના ભાગમાં છરીના બે ઘા ઝીકિ દીધા હતા અને તે ત્યાંથી નાસી ગયો હતો જેથી કરીને ઇજાગ્રસ્ત ફરિયાદી દિલાવરખાનને સારવાર માટે હોસ્પિટલ લઈ ગયા હતા જ્યાં તેમને જમણા હાથની કોણી પાંચ ટાંકા અને જમણા પગે ઢીંચણના ભાગે ૧૨ ટાંકા આવ્યા હતા અને આ યુવાને સારવાર લીધા બાદ હાલમાં લાલો નામના શખ્સની સામે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે અને આ બનાવની આગળની વધુ તપાસ કે.એન. બાવળિયા ચલાવી રહ્યા છે.
