ટંકારા નજીક કારખાનામાં રહેતા યુવાનનું હાર્ટ એટેકથી મોત
SHARE
JOIN OUR GROUP
ટંકારા નજીક કારખાનામાં રહેતા યુવાનનું હાર્ટ એટેકથી મોત
વર્તમાન સમયમાં હાર્ટ એટેકના બનાવો વધી રહ્યા છે ત્યારે મૂળ યુપીનો રહેવાસી અને હાલમાં ટંકારા નજીક આવેલ કારખાનામાં રહીને ત્યાં મજૂરી કામ કરતો યુવાન કારખાને હતો ત્યારે તેને અચાનક છાતીમાં દુખાવો ઉપડ્યો હતો જેથી ટંકારાની સરકારી હોસ્પિટલ ખાતે લઈને આવ્યા હતા ત્યાં ડોક્ટરે યુવાનનું હાર્ટ અટેકથી મોત થયાનું જાહેર કરીને આ અંગેની ટંકારા તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી કરેલ છે
બનાવી જાણવા મળતી માહિતી મુજબ મૂળ યુપીના રહેવાસી અને હાલમાં ટંકારા નજીક આવેલ સાલદીપ વિનાયાલ એલએલટી નામના કારખાનામાં અલ્કેશભાઇ ભાલોડીયાને ત્યાં મજૂરી કામ કરતા અને લેબર કવાર્ટરમાં રહેતા રામ સીધારે (૪૦) નામના યુવાનને ગઈકાલે બપોરે એકાદ વાગ્યાના અરસામાં છાતીમાં દુખાવો ઉપડ્યો હતો જેથી કરીને તેને ટંકારાની સરકારી હોસ્પિટલ ખાતે લઈને આવ્યા હતા અને ત્યાં હાર્ટ અટેક આવી જતા તેનું મોત થયું હોવાનું સામે આવ્યું હતું જેથી કરીને ડોક્ટર દ્વારા આ અંગેની ટંકારા તાલુકા પોલીસને જાણ કરવામાં આવતા પોલીસે બનાવી નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની આગળની વધુ તપાસ ટંકારા તાલુકા પોલીસ સ્ટેશન ખાતે ફરજ બજાવતા એસ.બી. સીદીકી ચલાવી રહ્યા છે
અકસ્માતમાં ઇજા
વાંકાનેરના નવા પંચાસર ગામે જવાના રોડ ઉપરથી વાંકાનેરના નવા પર તલડીના કારખાના પાસે રહેતા નવઘણભાઈ કાળુભાઈ દેત્રોજા જાતે કોળી (૩૨) નામનો યુવાન પોતાનું બાઈક નંબર જીજે ૩ એચબી ૮૮૨૨ લઈને ગેસનો બાટલો ભરાવવા માટે જઈ રહ્યો હતો દરમિયાન બોલેરો ગાડી નંબર જીજે ૩૬ ટી ૩૭૬૧ ના ચાલકે બાઈકને હડફેટે લેતા અકસ્માતનો બનાવ બન્યો હતો અને તેમાં બાઈક ઉપર જઈ રહેલા ફરિયાદીને જમણા પગે ફેક્ચર અને જમણી આંખની ઉપરના ભાગમાં ઈજા થયેલ હતી જેથી તેને સારવાર લીધા બાદ હાલમાં બોલેરો ગાડીના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે.
