મોરબીના રણછોડનગરમાં જુગાર રમતા ત્રણ મહિલા સહિત છ જુગારી પકડાયા
Morbi Today
મોરબીના આમરણ નજીક ચાર વર્ષની બાળકીના માથા ઉપર ટ્રેક્ટરનું ટાયર ફેરવી દેતા માસૂમનું મોત
SHARE
JOIN OUR GROUP
મોરબીના આમરણ નજીક ચાર વર્ષની બાળકીના માથા ઉપર ટ્રેક્ટરનું ટાયર ફેરવી દેતા માસૂમનું મોત
મોરબી તાલુકાના આમરણથી જોડિયા ગામ પાસે મેલડી માતાજીના મંદિરથી આગળના ભાગમાં ખુલ્લી જગ્યામાં ટ્રેક્ટરમાં માટી ભરવાની કામગીરી ચાલુ હતી અને ત્યારબાદ ટ્રેક્ટરને તેના ડ્રાઇવરે બેફિકરાઈથી ચલાવતા ત્યાં મજુરની બાળકીને હડફેટે લીધી હતી જેથી કરીને તેને માથામાં ગંભીર ઇજા થઈ હોવાથી તે બાળકીનું મોત નીપજયું હતું આ બનાવમાં હાલમાં મૃતક બાળકીના પિતાએ ટ્રેક્ટર ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મૂળ એમપીના ધાર જિલ્લાના રહેવાસી અને હાલમાં આમરણ ગામ પાસે ટાટાનગરમાં હરિભાઈ પટેલના મકાનમાં રહેતા નેપાલભાઈ સુનિલભાઈ વસુમિયા જાતે ભીલ (૨૪) નામના યુવાને મોરબી તાલુકા પોલીસ સ્ટેશન ખાતે ટ્રેક્ટર નંબર જીજે ૩૬ એલ ૩૦૮૫ ના ચાલક સામે ફરિયાદ નોંધાવી છે જેમાં તેને જણાવ્યું છે કે, મોરબી તાલુકાના આમરણથી જોડિયા તરફ જવાના રસ્તા ઉપર આવતા મેલડી માતાજીના મંદિર પાસે આવેલી ખુલ્લી જગ્યામાં ટ્રેક્ટરમાં માટી ભરવાની કામગીરી કરવામાં આવી રહી હતી ત્યારે ત્યાં મજૂરી કામ કરવા માટે તેઓના પત્ની સહિતના ત્યાં મજૂરી કામ કરી રહ્યા હતા ત્યારે ફરિયાદીના બાળકો પણ ત્યાં હાજર હતા જો કે, ફરિયાદી બહારગામ ગયા હતા ત્યારે ટ્રેક્ટરમાં માટી ભરાઈ ગયા બાદ તેના ડ્રાઇવરે પોતાનું વાહન બેદરકારીથી ચલાવ્યું હતું અને ફરિયાદીની દીકરી શિવાનીબેન વસુમીયા (૪) ના માથા ઉપરથી ટ્રેક્ટરનું ટાયર ફેરવી દેતા તેને ગંભીર ઇજા થઈ હોવાથી તે બાળકીનું મોત નીપજયું હતું અને અકસ્માત મૃત્યુના આ બનાવમાં હાલમાં મૃતક બાળકીના પિતાએ નોંધાવેલ ફરિયાદ આધારે પોલીસે ટ્રેક્ટર ચાલક સામે ગુનો નોંધી આરોપીને પકડવા માટે તજવીજ શરૂ કરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના પી.એસ.આઇ. એસ.એન. સગારકા ચલાવી રહ્યા છે
