મોરબીના લાલપર પાસે બાઇક ચાલકે એક્ટિવાને હડફેટે લેતા કારખાનેથી ઘરે જતાં યુવાનનું મોત

મોરબી નજીકના મકનસર ગામે રહેતો યુવાન સિરામિક કારખાનામાં પોતાની નોકરી પૂરી કરીને ઘરે પરત જતો હતો ત્યારે મોરબીના લાલપર ગામથી આગળ સર્વિસ રોડ ઉપર કોઈ અજાણ્યા બાઈક ચાલકે તેના એકટીવાને હડફેટ લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં યુવાનને માથાના ભાગે ગંભીર ઇજા થઈ હતી જેથી તે યુવાનનું મોત નીપજયું હતું અને અકસ્માત સર્જીને બાઈક ચાલક ત્યાંથી નાસી ગયો હતો જેથી હાલમાં ભોગ બનેલા યુવાનના કૌટુંબિક કાકાએ મોરબી તાલુકા પોલીસ સ્ટેશન ખાતે અજાણ્યા બાઇક ચાલકની સામે ફરિયાદ નોંધાવતા પોલીસે ગુનો નોધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ હાલમાં મોરબી નજીકના લાલપર ગામે રાધે હોટલની પાછળ વિશાલ દીપ સોસાયટી ખાતે રહેતા રમણીકભાઈ નાગજીભાઈ આંદોદરીયા જાતે પ્રજાપતિ (૫૬) એ મોરબી તાલુકા પોલીસ સ્ટેશન ખાતે અજાણ્યા બાઇક ચાલકની સામે ફરિયાદ નોંધાવેલ છે જેમાં તેને જણાવ્યુ છે કે, મોરબી વાંકાનેર હાઇવે ઉપર મકનસર ગામે રહેતો તેનો કૌટુંબિક ભત્રીજો યાજ્ઞિક નરેન્દ્રભાઈ અંદોદરીયા જાતે પ્રજાપતિ (૨૫) પોતાનું એકટીવા નંબર જીજે ૩૬ સી ૧૫૯૨ લઈને કારખાને નોકરી પૂરી કરીને સીરામીક કારખાનેથી ઘર તરફ જવા માટે નીકળ્યો હતો અને લાલપર ગામથી આગળના ભાગમાં વાંકાનેર તરફ સર્વિસ રોડ ઉપર સોનેક્ષ સિરામિક કારખાનાની સામેના ભાગમાં કોઈ અજાણ્યા બાઈક ચાલકે તેના એકટીવાને હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના આ બનાવમાં ફરિયાદીના કૌટુંબિક ભત્રીજા યાજ્ઞિક અંદોદરીયાને માથાના ભાગે ગંભીર ઈજા થઈ હોવાથી તેનું મોત નીપજયું હતુ અને અકસ્માત સર્જીને અજાણ્યો બાઈક ચાલક સ્થળ ઉપરથી નાસી ગયો હતો આ બનાવ સંદર્ભે હાલમાં મૃતકના કૌટુંબીક કાકાએ નોંધાવેલ ફરિયાદ આધારે પોલીસે અજાણ્યા બાઈક ચાલકની સામે ગુનો નોંધીને આરોપીને પકડવા માટે તજવીજ શરૂ કરેલ છે અને મૃતકને સંતનમાં એક દીકરો હોવાનું તેના પરિવારજન પાસેથી જાણવા મળેલ છે અને અકસ્માતના આ બનાવના લીધે માસૂમ બાળકે તેના પિતાની છત્રછાયા ગુમાવી છે