મોરબીના રોહિદાસપરામાંથી ગુમ થયેલ મહિલા જાતે હેમખેમ ઘરે પરત આવી ગઈ

મોરબી શહેરના વીસીપરામાં આવેલ રોહિદાસપરા વિસ્તારમાં રહેતી મહિલા એપ્રિલ મહિનામાં મંદિરે દર્શન કરવા જવાનું કહીને ગુમ થઈ ગઈ હતી ત્યારબાદ તે પોતાની જાતે ઘરે પરત આવી ગઈ હોવાથી તેની પોલીસે નોંધ કરી આગળની રાબેતા મુજબની કાર્યવાહી કરી છે

જાણવા મળતી માહિતી પ્રમાણે મોરબીના વીસીપરામાં આવેલ રોહિદાસપરા વિસ્તારમાં રહેતા દીપ્તિબેન દિનેશભાઈ ચૌહાણ (૨૫) નામની મહિલા ગત તા. ૯/૪/૨૩ ના રોજ પોતાના ઘરેથી ધક્કાવાળી મેલડી માતાજીએ દર્શન કરવા માટે જવાનું કહીને નીકળી હતી અને ત્યારબાદ તે ગુમ થઈ ગઈ હતી જેથી કરીને તેની ગુમસુધા ફરિયાદ મોરબી સીટી બી ડિવિઝન પોલીસ સ્ટેશન ખાતે નોંધવામાં આવી હતી જેના આધારે પોલીસ અને પરિવારજનો તે મહિલાને શોધવા માટે થઈને કવાયત કરી રહ્યા હતા દરમિયાન આ મહિલા પોતે પોતાની જાતે પોતાના ઘરે પરત આવી જતા પોલીસ અને પરિવારજનોએ રાહતનો શ્વાસ લીધો છે અને તેની નોંધ કરીને રાબેતા મુજબની કાર્યવાહી હાથ ધરી છે

અકસ્માતમાં ઇજા

મોરબી શહેરના સામાકાંઠા વિસ્તારમાં લખધીરપુર રોડ પાસે સર્વિસ રોડ ઉપર સામસામે બે બાઇક અથડાયા હતા જેથી અકસ્માતનો બનાવ બન્યો હતો જેમાં નવલખી રોડ ઉપર આવેલ શ્રદ્ધા પાર્કમાં રહેતા વીરપાલસિંહ જાડેજા (૨૦) નામના યુવાનને ઇજાઓ થઈ હતી જેથી ઇજા પામેલ યુવાનને સારવાર માટે મોરબીની ક્રિષ્ના હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની તપાસ વી.કે. ચાવડા ચલાવી રહ્યા છે

મારા મારીમાં ઇજા

મોરબીના ભડીયાદ કાંટા પાસે આવેલ ગાંધી સોસાયટીમાં રહેતા વિજય રામજીભાઈ બોસિયા (૩૮) નામના યુવાનને ઉમિયા સોસાયટીમાં યુસુફભાઈની ચક્કી પાસે મારામારીના બનાવવામાં ઇજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી કરી હતી અને આ બનાવની આગળની વધુ તપાસ મોરબી બી ડિવિઝન પોલીસ સ્ટેશન ખાતે ફરજ બજાવતા જે.જે. ડાંગર ચલાવી રહ્યા છે