મોરબીના ઊંચી માંડલ ગામ પાસે નર્મદાની કેનાલમાં ડૂબી જવાથી યુવાનનું મોત
SHARE
JOIN OUR GROUP
મોરબીના ઊંચી માંડલ ગામ પાસે નર્મદાની કેનાલમાં ડૂબી જવાથી યુવાનનું મોત
મોરબી હળવદ હાઇવે ઉપર આવેલ ઊંચી માંડલ ગામ પાસેથી પસાર થતી નર્મદાની કેનાલમાં યુવાન અકસ્માતે નર્મદાની કેનાલમાં ડૂબી ગયો હતો જેથી કરીને આ અંગેની તાત્કાલિક મોરબી નગરપાલિકાના ફાયર વિભાગને જાણ કરવામાં આવતા ફાયરની ટીમ ઘટના સ્થળે પહોંચી હતી અને પાણીમાં ડૂબી ગયેલા યુવાનના મૃતદેહને કેનાલમાંથી બહાર કાઢવામાં આવ્યો હતો અને આ બનાવ અંગેની મૃતકના મોટાભાઈ દ્વારા મોરબી તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી છે.
બનાવની જાણવા મળતી વિગત પ્રમાણે મૂળ બિહારના રહેવાસી અને હાલમાં વાંકાનેર નજીક આવેલ વઘાસીયા ટોલનાકા પાસે બ્રોમો સિરામિક કારખાનામાં રહેતા અને મજૂરી કામ કરતા રતિલાલ રામનિવાસ યાદવ (૨૭) નામનો યુવાન મોરબી હળવદ હાઇવે રોડ ઉપર આવેલ ઊંચી માંડલ ગામ પાસે એકોર્ડ સીરામીક ની પાસેથી પસાર થતી નર્મદાની કેનાલમાં પાણીમાં કોઈ કારણોસર ડૂબી ગયો હતો જેથી કરીને આ અંગેની મોરબી નગરપાલિકાના ફાયર વિભાગને જાણ કરવામાં આવતા ફાયરની ટીમ ઘટના સ્થળે દોડી આવી હતી અને પાણીમાં ડૂબી ગયેલા યુવાનની શોધખોળ શરૂ કરી હતી અને ફાયરની ટીમ દ્વારા રતિલાલ યાદવના મૃતદેહને નર્મદાની કેનાલમાંથી બહાર કાઢવામાં આવ્યો હતો ત્યારબાદ આ બનાવ અંગેની મૃતક યુવાનના ભાઈ રૂપલાલકુમાર રામનિવાસ યાદવ (૩૨) રહે એકોર્ડ સીરામીક નીચી માંડલ વાળાએ મોરબી તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી.
દારૂની નાની ૧૮ બોટલ સાથે મહિલા પકડાઇ
હળવદ તાલુકા પોલીસની ટીમ પેટ્રોલિંગમાં હતી ત્યારે હળવદમાં આવેલ પંચમુખી ઢોરા વિસ્તારમાં ઘંટીની પાછળના ભાગમાં આવેલ શેરીમાં રહેણાંક મકાનમાં પોલીસે દારૂની રેડ કરી હતી ત્યારે ઘરમાંથી દારૂની નાની ૧૮ બોટલો સાથે મહિલા ઝડપાઈ હતી જેથી કરીને પોલીસે ૧૮૦૦ રૂપિયાની કિંમતનો મુદ્દામાલ કબજે કરી સલમાબેન ઉર્ફે સોનું આસિફભાઇ મીર જાતે સિપાઈ મુસ્લિમ (૪૫) રહે પંચમુખી ઢોરો વિસ્તાર હળવદ મૂળ રહે નાડીયા તાલુકો ધાંગધ્રા વાળા ની ધરપકડ કરી તેની સામે હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.
