વાંકાનેરના ચંદ્રપુર બ્રિજ પાસેથી નવ બોટલ દારૂ ભરેલ કાર સાથે એક શખ્સની ધરપકડ
SHARE
JOIN OUR GROUP
વાંકાનેરના ચંદ્રપુર બ્રિજ પાસેથી નવ બોટલ દારૂ ભરેલ કાર સાથે એક શખ્સની ધરપકડ
વાંકાનેર નજીક આવેલ ચંદ્રપુર ઓવરબ્રિજ પાસેથી પસાર થઈ રહેલ સેન્ટ્રો ગાડીને રોકીને પોલીસે ચેક કરી હતી ત્યારે તે ગાડીમાંથી દારૂની નવ બોટલ મળી આવતા પોલીસે દારૂ અને ગાડી મળીને ૧,૦૪,૬૮૦ ના મુદ્દામાલ સાથે એક શખ્સની ધરપકડ કરી હતી અને વાંકાનેર સિટી પોલીસ સ્ટેશન ખાતે ગુનો નોંધી આગળની રાબેતા મુજબની કાર્યવાહી હાથ ધરી છે
જાણવા મળતી માહિતી પ્રમાણે વાંકાનેર સિટી પોલીસની ટીમ પેટ્રોલિંગમાં હતી ત્યારે વાંકાનેર નજીક આવેલ ચંદ્રપુર ઓવરબ્રિજ પાસેથી સેન્ટ્રો ગાડી નંબર જીજે ૧ બીકે ૭૮૪૪ પસાર થઈ રહી હતી ત્યારે તે ગાડીને રોકીને પોલીસ દ્વારા તેને ચેક કરવામાં આવતા ગાડીમાંથી દારૂની નવ બોટલો મળી આવી હતી જેથી પોલીસે ૪૬૮૦ ની કિંમતની દારૂની બોટલો તથા એક લાખ રૂપિયાની કિંમતની કાર આમ કુલ મળીને ૧,૦૪,૬૮૦ નો મુદામાલ સ્થળ ઉપરથી કબજે કરીને વિજયભાઈ પ્રતાપભાઈ ભૂસડિયા જાતે કોળી (૨૩) રહે નવા ઢુવા મુન્નાભાઈ ડાભીના મકાનમાં મૂળ રહે ખોલડિયાદ તાલુકો વઢવાણ વાળાની ધરપકડ કરેલ છે અને તેની સામે વાંકાનેર સિટી પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે અને આ શખ્સ પાસેથી મળી આવેલ દારૂની બોટલો તે કોની પાસેથી લાવ્યો હતો અને કોને આપવાનો હતો તે દિશામાં પોલીસ દ્વારા આગળની તપાસ શરૂ કરવામાં આવેલ છે
યુવાન સારવારમાં
મોરબી નજીકના શનાળા ગામે રહેતો અમર મનસુખભાઈ સનાળીયા નામનો ૨૨ વર્ષનો યુવાન મોરબીના રાજકોટ હાઇવે ઉપર આવેલ ઓમ શાંતિ ઇંગ્લીશ મીડીયમ સ્કુલના પાછળના ભાગે કોઈ અજાણ્યો પદાર્થ પી જતા તેને સારવાર માટે અત્રેની ક્રિષ્ના હોસ્પિટલમાં લાવવામાં આવ્યો હતો જ્યાં તેની સારવાર કરવામાં આવ્યા બાદ આ બાબતે પોલીસને જાણ કરવામાં આવતા હાલ એ ડિવિઝન પોલીસ મથકના હરેશભાઈ ચાવડા દ્વારા આ બનાવના કારણ અંગે આગળની તપાસ હાથ ધરાઇ છે.
મારામારીમાં ઈજા થતા સારવારમાં
મોરબીના જેલ રોડ ઉપર આવેલ કબીર ટેકરી વિસ્તારમાં રહેતા રવિ રમેશભાઈ અગેચાણીયા નામના ૨૩ વર્ષના યુવાનને વાઘપરા પાસે કોઈ અજાણ્યા ઈસમની સાથે થયેલ મારામારીના બનાવમાં હાથ-પગ અને કમરના ભાગે ઇજાઓ થતા સારવાર માટે દવાખાને ખસેડાયો હતો જ્યાં સારવાર કરવામાં આવ્યા બાદ એ ડિવિઝન પોલીસમાં જાણ કરવામાં આવતા પોલીસ મથકના હરેશભાઈ ચાવડાએ તપાસના કરી હતી
