મોરબીના સામાકાંઠા વિસ્તારમાંથી સગીરાનું અપહરણ કરનારા આરોપીની ધરપકડ
Morbi Today
વાંકાનેરના ઢુવા પાસે કારખાનામાં ટ્રેક્ટર ચાલકે હડફેટે લેતા ઇજા પામેલા યુવાનનું મોત
SHARE
JOIN OUR GROUP
વાંકાનેરના ઢુવા પાસે કારખાનામાં ટ્રેક્ટર ચાલકે હડફેટે લેતા ઇજા પામેલા યુવાનનું મોત
વાંકાનેર તાલુકાના ઢુવા ગામ પાસે આવેલ કારખાનામાં કામગીરી દરમિયાન યુવાનને ટ્રેક્ટર ચાલકે હડફેટે લીધો હતો જેથી કરીને અકસ્માતનો બનાવ બન્યો હતો અને અકસ્માતના આ બનાવમાં યુવાનને ઇજા થઇ હોવાથી તેને મોરબીની ક્રિષ્ના હોસ્પિટલ ખાતે સારવાર માટે લઈને આવ્યા હતા ત્યાં તેનું સારવાર દરમિયાન મોત નીપજયું હતું જેથી આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી જોકે આ બનાવ વાંકાનેર તાલુકા પોલીસ સ્ટેશનની હદમાં બનેલ હોવાથી ત્યાં આ બનાવની જાણ કરવા માટેની કવાયત કરવામાં આવી છે
બનાવી જાણવા મળતી માહિતી પ્રમાણે મૂળ એમપીના રહેતો અને હાલમાં ઢુવા પાસે આવેલ આઇકા કંપની ખાતે રહેતો અને મજૂરી કામ કરતો ઉમઠીયાભાઇ રામકરણભાઈ ગોવેલ (૨૧) નામનો આદિવાસી યુવાન મજૂરી કામ કરતો હતો ત્યારે ગત તા. ૧૫ ના રોજ ટ્રેક્ટરના ચાલકે તેને હડફેટે લીધો હતો જેથી કરીને તે યુવાનને બેભાન હાલતમાં મોરબીના સનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યાં સારવાર દરમિયાન તે યુવાનનું મોત નીપજયું હતું જેથી કરીને આ બનાવની પ્રથમ મોરબી સીટી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ મોરબી એ ડિવિઝનના વિપુલભાઈ ફુલતરીયા દ્વારા કરવામાં આવી હતી જોકે, અકસ્માતનો બનાવ વાંકાનેર તાલુકા પોલીસની હદમાં બનેલો હોવાથી ત્યાં આ બનાવની જાણ કરવા માટેની કવાયત કરવામાં આવી છે
યુવાનને માર માર્યો
મોરબી માળિયા હાઇવે ઉપર આવેલ નવા નાગડાવાસ ગામ પાસે મૂળ હાંસલપુરના રહેવાસી સચિન વિઠ્ઠલભાઈ (૪૧) નામના યુવાનને કોઈ અજાણ્યા બે શખ્સો દ્વારા લોખંડના પાના વડે માર મારવામાં આવ્યો હતો જેથી કરીને ઈજા પામેલ યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે અને આ બનાવની આગળની વધુ તપાસ તાલુકા પોલીસ સ્ટેશનના વી.એસ. ડાંગર ચલાવી રહ્યા છે
અકસ્માતમાં ઇજા
મોરબી વાંકાનેર હાઇવે ઉપર આવેલ કુબેર ટોકીઝ પાસે રસ્તા ઉપરથી બાઈક લઈને મોરબીના વેજીટેબલ રોડ ઉપર આવેલ ભાગ્યલક્ષ્મી સોસાયટીમાં રહેતા અજય લાભુભાઈ વાઘાણી (૩૭) નામનો યુવાન પસાર થઈ રહ્યો હતો ત્યારે બીજું બાઈક તેના બાઈક સાથે અથડાયું હતું જેથી કરીને અકસ્માતના બનાવવામાં અજયભાઈ વાઘાણીને ઇજાઓ થવાથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપવામાં આવ્યા બાદ આ બનાવ અંગેની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી કરી છે અને વધુ તપાસ રાજેશભાઈ ડાંગર ચલાવી રહ્યા છે
