મોરબીના લાલપર ગામે યુવાને અંતિમ પગલું ભર્યું

મોરબી નજીકના લાલપર ગામ પાસે આવેલ સોસાયટીમાં રહેતા યુવાને પોતાના ઘરની અંદર ગળાફાંસો ખાઈ લીધો હતો જેથી કરીને તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કરીને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનવાની નોંધ કરીને આગળની કાર્યવાહી કરેલ છે

બનાવની જાણમાં મળતી માહિતિ પ્રમાણે મોરબી નજીકના લાલપર ગામની સીમમાં આવેલ એકતા સોસાયટી ખાતે રહેતા મુકેશભાઈ દેવજીભાઈ ડાભી જાતે અનુ. જાતિ (૩૯) નામના યુવાને પોતે પોતાના ઘરની અંદર ગળાફાંસો ખાઈને આપઘાત કરી લીધો હતો જેથી કરીને તેના મૃતદેહને મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને ત્યારબાદ આ બનાવ અંગેની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ તાલુકા પોલીસ સ્ટેશનના જે.એમ. જાડેજા ચલાવી રહ્યા છે વધુમાં જાણવા મળતી વિગત પ્રમાણે મૃતક મુકેશભાઈ ડાભી છેલ્લા એકાદ વર્ષથી કાંઈ કામ ધંધો કરતા ન હતા અને ગુમસૂમ રહેતા હતા દરમિયાન કંટાળી જઈને પોતે પોતાના ઘરની અંદર ગળાફાંસો ખાઈને અંતિમ પગલું ભર્યું છે તેવું તેઓના પરિવારજન પાસેથી જાણવા મળેલ હોય પોલીસે તે અંગેની નોંધ કરી રાબેતા મુજબની કાર્યવાહી હાથ ધરી છે

માર માર્યો

મોરબી નજીક આવેલ રામકો બંગલો પાસે મારામારીનો બનાવ બન્યો હતો જેમાં કમલભાઈ બરામભાઈ વિશ્વકર્મા (૨૩) નામના યુવાનને ઇજાઓ થઈ હોવાથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપીને આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવી નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ હરેશભાઈ ચાવડા ચલાવી રહ્યા છે