હળવદના સુખપર ગામે પાણીની ખાડીમાં ડૂબી જવાથી આધેડનું મોત

હળવદ તાલુકાના સુખપર ગામે પાણી ભરેલ ખાડીમાં માછીમારી તેમજ નાહવા માટે અવારનવાર જતા આધેડ પાણીમાં કોઈ કારણોસર ડૂબી ગયા હતા જેથી કરીને તેનું મોત નિપજ્યું હતું ત્યારબાદ તેના મૃતદેહને હળવદની સરકારી હોસ્પિટલ ખાતે લઈને આવ્યા હતા અને આ બનાવ અંગેની મૃતકના દીકરા દ્વારા હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મૂળ છોટાઉદેપુર જિલ્લાના બગલીયા ગામના રહેવાસી અને હાલમાં હળવદ તાલુકાના સુખપર ગામની સીમમાં દેવશીભાઈ રબારીની વાડીએ રહેતા અને ત્યાં મજૂરી કામ કરતા ભીમજીભાઇ ઉર્ફે ભીમાભાઇ નારણભાઈ તડવી જાતે આદિવાસી (૫૫) સુખપર ગામની સીમમાં ગળતીની પાણી ભરેલ ખાડીમાં અવારનવાર માછલી પકડવા તેમજ ન્હાવા માટે જતા હતા દરમિયાન કોઈ કારણોસર તે ખાડીમાં ભરેલા પાણીમાં ડૂબી ગયા હતા જેથી કરીને ભીમજીભાઈ તડવીનું મોત નીપજ્યું હતું ત્યારબાદ તેના મૃતદેહને હળવદની સરકારી હોસ્પિટલ ખાતે લઈને આવ્યા હતા અને આ બનાવની મૃતકના દીકરા અર્જુનભાઈ ભીમજીભાઇ તડવી જાતે આદિવાસી (૩૭) રહે. ગઢસીસા ગામની સીમમાં હરેશભાઈ રંગાણીની વાડીએ માંડવી જિલ્લો કચ્છ ભુજ મૂળ છોટાઉદેપુર વાળાએ હળવદ તાલુકા પોલીસને જાણ કરી હતી જેથી કરીને પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી છે

અકસ્માતમાં ઇજા

મોરબીના વાવડી રોડ ઉપર આવેલ ન્યુ ગાયત્રી સોસાયટીમાં રહેતા વિક્રમભાઈ દેવજીભાઈ કુંભારવાડીયા (૩૪) નામનો યુવાન બાઈક લઈને પોતાના કામથી બેલા આમરણ રોડ ઉપરથી પસાર થઈ રહ્યો હતો ત્યારે ત્યાં વાહન અકસ્માતનો બનાવ બન્યો હતો અને વાહન અકસ્માતના બનાવમાં વિક્રમભાઈને ઇજા થતાં હાલતમાં તેને સારવાર માટે મોરબીની ખાનગી હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ થઇ છે