મોરબી સામાજિક સમરસતા મંચ તથા ડૉ. હેડગેવાર સ્મારક સમિતિ મોરબી શાખા દ્વારા સન્માન સમારોહનું આયોજન

સેવા જેનો સ્વભાવ બની ચૂકયો છે તેવા "માનવ સેવા એજ પ્રભુ સેવા" એ સૂત્ર ને સાર્થક કરી દેશ બાંધવોની નિસ્વાર્થ ભાવે કરેલ સેવા સૌ કોઈ માટે પ્રેરણાદાયી છે. આપણા સૌનો આ સેવા યજ્ઞ હરહંમેશ પ્રજવલિત રહે તેવા શુભ આશયથી સામાજિક સમરસતા મંચ-મોરબી તથા ડો. હેડગેવાર  સ્મારક સમિતિ- મોરબી દ્વારા શિક્ષણ ક્ષેત્રે ઉત્કૃષ્ટ સિદ્ધિ પ્રાપ્ત કરેલ સ્વચ્છતા કર્મી પરિવારજનોના બાળકો તથા સ્વચ્છતા કર્મી બંધુઓ ને સન્માનિત કરવાના કાર્યક્રમનું આયોજન કરવામાં આવેલ છે.

આ સન્માન સમારોહ તા.૧૩/૧ ને શનિવારે બપોરે ૩ થી ૬ વાગ્યા સુધી મોરબી નગરપાલિકા કોમ્યુનિટી હોલ, સરદાર બાગ પાછળ, બ્રહ્માકુમારી ભવનની બાજુમાં,શનાળા રોડ,મોરબી ખાતે યોજાશે આ સમારોહમાં જતીનભાઈ નાણાવટી (સંયોજક -સૌરાષ્ટ્ર પ્રાંત, સામાજિક સમરસતા મંચ)નું પ્રેરક ઉદબોધન તથા આશિર્વચન કરશનદાસ બાપુ (કબીર આશ્રમ- રોહીદાસપરા) દ્વારા આપવામાં આવશે. આ કાર્યક્રમમાં દિપકભાઈ ઢોલ સાહેબ (પી.આઈ. એલ.સી.બી- મોરબી) ની પ્રેરક ઉપસ્થિતિ રહેશે. આ કાર્યક્રમમાં પ્રવિણભાઈ ધોળકીયા (પ્રમુખ ડો હેડગેવાર સ્મારક સમિતિ- રાજકોટ), વિપુલભાઈ અઘારા (મંત્રી ડો હેડગેવાર સ્મારક સમિતિ- રાજકોટ) ઉપસ્થિત રહેશે એમ દિનેશભાઇ વિડજા (સંયોજક મોરબી જિલ્લા- સામાજિક સમરસતા)ની યાદીમાં જણાવેલ છે.