મહેન્દ્રનગર ચોકડી ખાતે શ્યામ મહોત્સવ યોજાશે

મોરબીના મહેન્દ્રનગર ગામે આગામી સોમવારને ૧૫ જાન્યુઆરીના રોજ શ્યામ મનોહર મહોત્સવનું આયોજન કરવામાં આવ્યું છે. કૃષ્ણ ભક્તીને ઉજાગર કરતા આ મહોત્વમાં કૃષ્ણ ભજન-કિર્તન થશે.આયોજક એવા મોરબીના શ્યામ મિત્ર મંડળ અને શ્યામ ચેરીટેબલ ટ્રસ્ટના જણાવ્યા પ્રમાણે આગામી તા.૧૫ જાન્યુઆરીના રોજ સાંજે છ વાગ્યાથી મહેન્દ્રનગર ચોકડી પાસે આવેલા સીએનજી પંપ નજીક શ્યામ મહોત્સવની ઉજવણી કરવામાં આવશે. જે અંતર્ગત સાંજે ભવ્ય દરબાર, અખંડ જ્યોત, અલૌકિક શૃંગાર, છપ્પન ભોગ અને ફૂલોની હોળી તેમજ રાત્રીના નવ વાગ્યે મહાપ્રસાદનું આયોજન કરવામાં આવેલ છે..જે બાદ ભજન સંધ્યા યોજાશે.જેમાં મુંબઈના જાણીતા ભજનિક નમ્રતા કારવી, બિકાનેરના ઓમ રાઠવા અને રાજસ્થાનના ભગવંત સુથાર ભજનની જમાવટ કરશે.જેથી જીલ્લાનૂ ધર્મપ્રેમી જનતાએ લાભ લેવા જાહેર આમંત્રણ પાઠવ્યું છે.

માણેકવાડા પ્રાથમિક શાળામાં સ્વામીજીને પુષ્પાંજલિ અર્પણ

પૂજ્ય સ્વામી વિવકાનંદજીની જન્મજયંતી નિમિત્તે આજે શ્રી માણેકવાડા પ્રાથમિક શાળામાં સ્વામીજીને પુષ્પાંજલિ અર્પણ કરી તેમના જીવન પ્રસંગો બાળકો સમક્ષ મુકવામાં આવ્યા.તેમજ વિવેકાનંદજીના વિચારો સૌનાં જીવનમાં વિહરે તે માટે સૌ એ કટિબદ્ધતા દર્શાવી હતી બાળકોએ પુષ્પાંજલિ અર્પણ કરી સ્વામી વિવેકાનંદજી ની જન્મજયંતી ઉજવી હતી.