મોરબી જીલ્લામાં મંત્રી બ્રિજેશભાઇ મેરજાના અધ્યક્ષસ્થાને સમીક્ષા બેઠક યોજાશે
Morbi Today
રાજ્યમાં પંચાયત વિભાગની વિવિધ ખાલી પડેલી જગ્યાઓ સત્વરે ભરતી કરાશે: બ્રિજેશભાઈ મેરજા
SHARE
JOIN OUR GROUP
રાજ્યમાં પંચાયત વિભાગની વિવિધ ખાલી પડેલી જગ્યાઓ સત્વરે ભરતી કરાશે: બ્રિજેશભાઈ મેરજા
રાજ્ય પંચાયત મંત્રી બ્રિજેશભાઈ મેરજાએ ગાંધીનગર ખાતે ગુજરાત પંચાયત સેવા પસંદગી બોર્ડની શુભેચ્છા મુલાકાત લઇ બોર્ડની વિવિધ કામગીરી વિશે જાણકારી મેળવી હતી. આ મુલાકાત વેળાએ મંત્રી બ્રિજેશભાઇ મેરજાએ જણાવ્યું કે, ગુજરાત પંચાયત સેવા પસંદગી બોર્ડ હેઠળની વિવિધ સંવર્ગની ખાલી જગ્યાઓ માટે સત્વરે ભરતી કરાશે.
મંત્રી મેરજાએ કહ્યું કે, મુખ્યમંત્રી ભુપેન્દ્રભાઈ પટેલના માર્ગદર્શન હેઠળ આગામી દિવસોમાં થનારા કાર્યોની રૂપરેખા લક્ષ્યાંકો સહિત નક્કી કરવામાં આવી છે. રાજ્યના યુવાનોને રોજગાર મળે તે અમારી પ્રાથમિકતા છે તેમ જણાવતા મંત્રીએ ઉમેર્યું હતું કે આગામી દિવસોમાં ગુજરાત પંચાયત સેવા પસંદગી બોર્ડ દ્વારા પંચાયતની વિવિધ સંવર્ગની ખાલી પડેલી જગ્યાઓ માટે ભરતી પ્રક્રિયા હાથ ધરાશે. આ ભરતી પ્રક્રિયા વધુ ઝડપથી પારદર્શિતાપૂર્વક પૂર્ણ થાય તેવું નક્કર આયોજન પણ કરવામાં આવ્યું છે. મંત્રી મેરજાએ ગુજરાત પંચાયત સેવા પસંદગી બોર્ડના ઉચ્ચ અધિકારીઓ અને સભ્યો સાથે સમીક્ષા બેઠક પણ કરી હતી. મંત્રીએ પ્રેઝન્ટેશન દ્વારા બોર્ડની વિવિધ કામગીરીની ઉંડાણપૂર્વક વિગતો મેળવી બોર્ડના અધ્યક્ષ, ઉચ્ચ અધિકારીઓ અને સભ્યો સાથે ચર્ચા વિમર્શ કર્યો હતો.
