મોરબીના રવાપર ગામે રહેતા વૃદ્ધા એસિડ પી જતાં સારવાર દરમ્યાન મોત

મોરબી નજીકના રવાપર ગામે આવેલ બોની પાર્કની પાછળના ભાગમાં કેશવ વ્યુ ખાતે રહેતા વૃદ્ધાએ કોઈ કારણોસર એસિડ પી લીધું હતું જેથી કરીને તેને સારવાર માટે પ્રથમ મોરબીની ખાનગી હોસ્પિટલમાં લઈને આવ્યા હતા ત્યાંથી વધુ સારવાર માટે રાજકોટની હોસ્પિટલમાં લઈ ગયા હતા જોકે સારવાર કારગત ન નિવડતા વૃદ્ધાનું મોત નીપજયું હતું જેથી આ બનાવની મોરબી એ ડિવિઝન પોલીસે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી નજીકના રવાપર ગામે બોની પાર્કની પાછળના ભાગમાં આવેલ કેશવ વ્યુ ખાતે રહેતા લાભુબેન દેવજીભાઈ મેંદપરા (૬૯) નામના વૃદ્ધાએ કોઈ કારણોસર પોતે પોતાના ઘરે હતા ત્યારે ત્યાં એસિડ પી લીધું હતું જેથી કરીને તેઓને તાત્કાલિક સારવાર માટે મોરબીની ક્રિષ્ના હોસ્પિટલ ખાતે લઈને આવ્યા હતા અને ત્યાં તેઓને સારવાર આપ્યા બાદ વધુ સારવાર માટે રાજકોટની દોશી હોસ્પિટલ ખાતે લઈ જવા આવ્યા હતા અને સારવાર દરમિયાન તેમનું મોત નીપજયું હતું જેથી કરીને આ બનાવની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની આગળની વધુ તપાસ મોરબી એ ડિવિઝન પોલીસ સ્ટેશન ખાતે ફરજ બજાવતા પી.વી. ચાવડા ચલાવી રહ્યા છે

અકસ્માતમાં ઇજા

મોરબીના વીસીપરા વિસ્તારમાં આવેલ કુલીનગરમાં રહેતા દાઉદભાઈ ઉંમરભાઈ મકવાણા (૬૪) નામના વૃદ્ધ વીસીપરા મેઇન રોડ ઉપરથી પસાર થઈ રહ્યા હતા ત્યારે કોઈ અજાણ્યા બાઈક ચાલકે તેઓને હડફેટે લેતા અકસ્માત થયો હતો જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરી હતી જેથી કરીને પોલીસે બનાવી નોંધ કરી આગળની રાબેતા મુજબની કાર્યવાહી હાથ ધરી છે