મોરબીમાં દશેરાએ બ્રહ્મ સમાજ, રાજપૂત સમાજ આંતરરાષ્ટ્રીય હિન્દુ પરિષદ દ્વારા શસ્ત્ર પૂજન કરાયું
Morbi Today
મોરબીના લાલપર પાસેની બેંકના એટીએમને તોડવાનો પ્રયાસ
SHARE
JOIN OUR GROUP
મોરબીના લાલપર પાસેની બેંકના એટીએમને તોડવાનો પ્રયાસ
મોરબી પંથકમાં આગૌ એટીએમ મશીનોને નિશાન બનાવવામાં આવ્યા હોવાની ઘટના અનેક વખત બની છે તેવામાં મોરબી-વાંકાનેર હાઇવે ઉપર આવેલા લાલપર ગામ પાસે વધુ એક એટીએમ મશીનને નિશાન બનાવવામાં આવ્યું હતું અને એકઝીસ બેન્કમાં એટીએમને તોડવાનો પ્રયાસ કરવામાં આવ્યો હતો જો કે, મશીન તૂટ્યું ન હોવાથી ચોરી થયેલ નથી પરંતુ અવાર નવાર આવી ઘટનાઓ બની રહી હોવાથી પોલીસના નાઈટ પેટ્રોલીંગ સામે સવાલો ઉઠી રહ્યા છે
મોરબીના વાંકાનેર હાઇવે ઉપર લાલપર ગામ પાસે આવેલી એકઝીસ બેંકમાં એટીએમમાં તોડફોડ કરીને ચોરી કરવાનો પ્રયાસ કરવામાં આવ્યો હોવાની ઘટના સૂત્રોમાંથી જાણવા મળી રહી છે. મળતી વિગતો મુજબ લાલપર ગામે આવેલ એક્સિસ બેન્કના એટીએમને તસ્કરો દ્રારા ટાર્ગેટ કરવામાં આવ્યું હતું અને એટીએમ તોડવાનો પ્રયાસ કરાયો હતો જે દરમિયાન એટીએમમાં નુકસાની થવા પામી છે. સદભાગ્યે એટીએમ તુટ્યુ ન હોય ચોરી થયેલ નથી. જો કે એટીએમમાં ચોરીના પ્રયાસે એટીએમમાં તોડફોડની ઘટના પણ કંઇ નાની નથી.સૂત્રોમાંથી મળતી માહિતી મુજબ સદભાગ્યે એટીએમ તુટયુ ન હોય રોકડ રકમની ચોરી થયેલ નથી જો એટીએમ ટુટ્યુ હોત તો મોટી રકમની ચોરી પણ થઇ શકેત. અત્રે નોંધનીય છે કે થોડા સમય પહેલાં પણ વાંકાનેર હાઇવે ઉપર તેમજ મોરબીના જેતપર-પીપળી રોડ ઉપર તથા મોરબી નજીકના હળવદ તાલુકાનાં ચરાડવા ગામની પાસે એમ અલગ અલગ જગ્યાઓએ એટીએમ તોડવાના બનાવો સામે આવ્યા છે વળી આવતા દિવસોમાં દિવાળી જેવો તહેવાર પણ આવી રહ્યો હોય પોલીસ સતર્ક રહે અને નાઇટ પેટ્રોલિંગ વધારવામાં આવે તેવી મોરબીવાસીઓમાં લોકમાંગ ઉઠી રહી છે.
વાહન અકસ્માતમાં ઈજા
મોરબીના હળવદ રોડ ઉપર આવેલ યોગી સેનેટરીના લેબર કવાટરમાં રહીને મજૂરીકામ કરતા ભાનુબેન રમેશભાઈ મકવાણા નામની મહિલા પતિ સાથે બાઈકમાં બેસીને માળીયા તરફ જઈ રહ્યા હતા ત્યારે રસ્તામાં માળીયા હાઈવે ઉપરના લક્ષ્મીનગર ગામ પાસેની હોટલ મઢુલી પાસે તેઓનું બાઇક સ્લીપ થઇ જવાનો બનાવ બન્યો હતો જેમાં ઇજાગ્રસ્ત થયેલ ભાનુબેન મકવાણાને અહીંની આયુષ હોસ્પીટલે સારવાર માટે લાવવામાં આવ્યા હતા.જેથી મોરબી તાલુકા પોલીસે બનાવની નોંધ કરીને આગળની તપાસ હાથ ધરેલ છે.
ઝેરી અસર થતાં સારવારમાં
મોરબી તાલુકાના રાજપર ગામે વાડી વિસ્તારમાં ખેત મજૂરીનું કામ કરતો બચુભાઈ વિરસિંગભાઈ પરમાર નામનો ૪૮ વર્ષીય મજૂર યુવાન ખેતરમાં મોનોકોટો નામની ઝેરી દવાનો છંટકાવ કરી રહ્યો હતો તે દરમિયાનમાં તેને ઝેરી અસર થવાથી બચુભાઇને આયુષ હોસ્પિટલ ખાતે સારવારમાં ખસેડાયો હતો બનાવને પગલે તાલુકા પોલીસ મથકના એ.એલ.પરમારે આગળની તપાસ હાથ ધરી છે.
