મોરબીમાં કાલે પાટીદાર સમાજની કાજલ હિંદુસ્તાનીના વિરોધમાં મહારેલી 

મોરબીના પાટીદાર સમાજના ઉદ્યોગપતિઓ અને પાટીદાર સમાજની દીકરીઓને કાજલ હિંદુસ્તાનીએ જાહેર કાર્યક્રમમાં વાણી વિલાસ કરીને બદનામ કરેલ છે જેથી કરીને કાજલ હિન્દુસ્તાનીના વિરોધમાં મોરબીમાં પ્રચંડ રોષ છે અને કાલે તા ૩૦ ને શનિવારે સવારે ૧૦:૦૦ વાગ્યે પાટીદાર સમાજ દ્વારા મોરબીમાં મહારેલીનું આયોજન કરવામાં આવ્યું છે અને કલેક્ટરને આવેદનપત્ર આપવામાં આવશે

થોડા સમય પહેલા સુરતની એક સભા પાટીદાર સમાજની દીકરીઓ વાલીઓ, માતાઓ અને ઉદ્યોગપતિઓ વિશે કાજલ હિન્દુસ્તાનીએ અભદ્ર ટિપ્પણી કરી હતી જેથી કરીને તેના વિરોધમાં સમગ્ર મોરબી જિલ્લામાં પાટીદાર સમાજમાં રોષની લાગણી ફેલાયેલ છે ત્યારે કાલે શનિવારે કલેકટરને આવેદનપત્ર આપીને કાજલ હિન્દુસ્તાની સામે ફરિયાદ નોંધવાની માંગ કરવામાં આવશે અને કાલે મોરબીમાં પહેલા મહારેલી યોજાશે ત્યાર પછી આવેદનપત્ર આપવામાં આવશે આ રેલીમાં મોરબી જિલ્લાના પાટીદાર સમાજને જોડાવવા આહવાન કરવામાં આવ્યું છે. આ રેલી કાલે સવારે ૧૦ વાગ્યે મોરબીમાં સરદાર પટેલની પ્રતિમા પાસેથી શરૂ કરવામાં આવશે