મોરબી શહેર-તાલુકામાંથી એક-એક બાઈકની ચોરી

મોરબી શહેરમાં આવેલ સાવસર પ્લોટ વિસ્તારમાંથી તેમજ ફડસર અને ઝીંઝુડા ગામ પાસે ખેતરના રસ્તા ઉપરથી જુદા જુદા બે બાઈકની ચોરી કરવામાં આવેલ છે જેથી કરીને ભોગ બનેલા યુવાનો દ્વારા સ્થાનિક પોલીસ મથકોમાં બાઇક ચોરીની ફરિયાદ નોંધાવવામાં આવી છે જેના આધારે પોલીસે બાઇક ચોરીના જુદાજુદા બે ગુના નોંધીને આરોપીઓને પકડવા માટે ચક્રોગતિમાન કર્યા છે

જાણવા મળતી માહિતી મુજબ મોરબીના સવાસર પ્લોટ શેરી નંબર-૩ માં ડો. અનિલભાઈ પટેલ ઓર્થોપેડિક હોસ્પિટલની પાછળના ભાગમાં રહેતા જીલભાઈ પંકજભાઈ ચંડીભમર જાતે લોહાણા (૨૨) નામના યુવાને મોરબી એ ડિવિઝન પોલીસ સ્ટેશન ખાતે બાઇક ચોરીની ફરિયાદ નોંધાવેલ છે જેમાં તેણે જણાવ્યું છે કે, ભોગ બનેલા યુવાને પોતાના ઘર પાસે તેનું બાઈક નંબર જીજે ૩ જેએન ૦૩૩૧ પાર્ક કરીને મૂક્યું હતું જે ૫૦,૦૦૦ રૂપિયાની કિંમતનું બાઈક કોઈ અજાણ્ય શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાનની ફરિયાદ લઈને પોલીસે ચોરીનો ગુનો નોંધીને આરોપીને પકડવા માટે ચક્રોગતિમાન કર્યા છે આવી જ રીતે જોડિયા તાલુકાના જામ દુધઈ ગામે રહેતા નિકસનભાઈ લક્ષ્મણભાઈ માખેલા જાતે બોરીચા (૨૮) નામના યુવાને ફડસરથી ઝીંઝુડા વચ્ચે આવેલ ખેતરના રોડ ઉપર જવાના રસ્તે પોતાનું બાઈક નંબર જીજે ૩૬ કે ૦૭૨૧ પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાન દ્વારા ૧૮,૦૦૦ રૂપિયાની કિંમતના બાઈકની ચોરી થઈ હોવા અંગેની મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે