મોરબીમાં જલારામ જયંતિએ યંગ ઇન્ડિયા ગ્રુપ દ્વારા જરૂરિયાતમંદો લોકોને ભોજન કરાવાયુ મોરબી ત્રાજપર ચોકડી પાસે બાઈકને બસ ચાલકે હડફેટે લેતા ઈજાગ્રસ્ત યુવાન રાજકોટ ખસેડાયો મોરબી જલારામ ધામ ખાતે જલારામ બાપાની 227 મી જન્મજયંતિએ કેક કટીંગ સહિતના વિવિધ કાર્યક્રમ યોજાયા મોરબીમાં સાંસદ રાજેશભાઈ ચુડાસમાની હાજરીમાં ભગવાન બિરસા મુંડાજીની ૧૫૧ મી જન્મજયંતિ નિમિત્તે જનજાતિય ગૌરવ દિવસની ઉજવણી કરાઈ મોરબીના મહેન્દ્રનગર ગામે આવેલ રામધન આશ્રમમાં છઠ્ઠ પૂજાની ઉજવણી કરાઇ મોરબીના ટીંબડી ગામ નજીક બે રીક્ષા અથડાતા પાંચ ઈજાગ્રસ્તો સારવારમાં હૈયું હચમચાવી નાખે તેવો વિડીયો: ટંકારા પાસે કારે 8 થી 10 પલટી મારતા કારમાં બેઠેક 2 યુવાન 15 ફૂંટ ઊંચા ઉડીને બાહર ફેંકાયા, વિડીયો થયો વાયરલ વાંકાનેરમાં ઘરના બાથરૂમમાં પડી જવાથી વૃદ્ધનું મોત: હળવદના જુના વેગડવાવ ગામે મંદિરના મકાનમાં ગળાફાંસો ખાઈને આધેડે કર્યો આપઘાત
Breaking news
Morbi Today

ટંકારાના સખપર ગામે બંધ વાડાના મકાનમાંથી જીરૂના ૩૬-લસણના ૧૧ કોથળા ચોરી જનાર પાંચ તસ્કરની ૧૦.૧૨ લાખના મુદામાલ સાથે ધરપકડ


SHARE



































ટંકારાના સખપર ગામે બંધ વાડાના મકાનમાંથી જીરૂના ૩૬-લસણના ૧૧ કોથળાની ચોરી કરનાર પાંચ તસ્કરોની ૧૦.૧૨ લાખના મુદામાલ સાથે ધરપકડ

ટંકારાના સખપર ગામે રહેતા યુવાને પોતાના મકાન પાસે બંધ વાડાના મકાનમાંથી જીરૂના ૩૬ અને લસણના ૧૧ કોથળાની કોઈ અજાણ્યા શખ્સ દ્વારા ચોરી કરવામાં આવી હતી જેથી ૪,૧૨,૫૦૦ ની કિંમતના મુદ્દામાલની ચોરી થઈ હોવાની ભોગ બનેલા યુવાને ટંકારા તાલુકા પોલીસ સ્ટેશન ખાતે ફરિયાદ નોંધાવી હતી જેના આધારે પોલીસે ગુનો નોંધી આરોપીને પકડવા માટે ચક્રોગતિમાન કર્યા હતા અને હાલમાં આ ગુનામાં પાંચ આરોપીની ધરપકડ કરીને પોલીસે તેની પાસેથી ૧૦.૧૨ લાખનો મુદામાલ કબજે કરેલ છે.

જાણવા મળતી માહિતી પ્રમાણે ટંકારા તાલુકાના સખપર ગામે રહેતા હસમુખભાઈ રણછોડભાઈ કોરીંગા જાતે પટેલ (૪૪)એ ટંકારા તાલુકા પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવી હતી જેમાં તેને જણાવ્યું હતું કે, ફરિયાદી યુવાને તેના ઘર પાસે આવેલ વાડામાં બંધ મકાનમાં જીરુંના ૩૬ કોથળા જેમાં ૭૫ મણ જીરૂનો જથ્થો તેમજ લસણના ૧૧ કોથળા જેમાં ૩૦ મણ લસણનો જથ્થો હતો આ લસણ અને જીરું ભરેલા કોથળાની ચોરી કરવામાં આવે છે જેથી કરીને ૪,૧૨,૫૦૦ ની કિંમતના મુદ્દામાલની ચોરી થઈ હોવા અંગેની ભોગ બનેલા યુવાને ટંકારા તાલુકા પોલીસ સ્ટેશન ખાતે ફરિયાદ નોંધાવેલ હતી જેના આધારે આરોપીને પકડવા માટે પોલીસે તજવીજ શરૂ કરી હતી.

દરમ્યાન ટંકારા પોલીસ સ્ટેશનના વિજયભાઈ નાગજીભાઇ બાર, સિધ્ધરાજસિંહ અર્જુનસિંહ ઝાલા અને કૌશિકકુમાર રતિલાલ પેઢડીયાને સયુક્ત બાતમી મળી હતી જેના આધારે પોલીસે આરોપી સાગરભાઇ દીલીપભાઇ અત્રેસા (કોળી) રહે. મૂળ સખપર હાલ રહે. વાવડી રોડ બાપાસીતારામ મઢુલી પાસે જીવન જયોત સોસાયટી મોરબી, રમેશભાઇ અવચરભાઇ દારોદ્રા (કોળી) રહે. નેકનામ તાલુકો ટંકારા, બીપીનભાઇ વીરજીભાઇ સાણદીયા (પટેલ) રહે. નેકનામ તાલુકો ટંકારા, હીન્દુભાઇ લાખાભાઇ સાટકા (ભરવાડ) રહે. સખપર તાલુકો ટંકારા અને  પ્રવિણભાઇ વાલજીસભાઇ વેદાણી (કોળી) રહે. હોળાયા તાલૂકો ગઢડા હાલ રહે. નેકનામ તાલુકો ટંકારા વાળાની ધરપકડ કરેલ છે અને આ શખ્સોએ ચોરીમાં ગયેલ જીરૂ વેચાણા કરીને મેળવેલ  રોકડા રૂપિયા ૩,૩૭,૫૦૦ તથા લસણના ૧૧ બાચકા અને ગુન્હામાં ઉપયોગમાં લીધેલ બે મહિન્દ્રા બોલેરો પિકઅપ ગાડી નંબર જીજે ૨૦ વી ૯૧૬૮ અને જીજે ૧૦ ટીએક્સ ૪૪૭૬ જે બંનેની કિંમત કુલ મળીને ૬,૦૦,૦૦૦ આમ કુલ મળીને પોલીસે આરોપીઓ પાસેથી ૧૦,૧૨,૫૦૦ નો મુદામાલ કબજે કરેલ છે આ કામગીરી પીએસઆઈ એમ.જે.ધાધલ તેમજ સી.એસ. કડવાતર, બી.ડી. વરમોરા, વિજયભાઇ બાર, કૌશિકકુમાર પેઢડિયા, સિધ્ધરાજસિંહ ઝાલા અને વિપુલભાઇ બાલાસરા સહિતની ટીમે કરી હતી.


















Latest News