ટંકારાના લજાઈ ગામે પાણીના ખાડામાં ડૂબી જવાથી સગીરાનું મોત

ટંકારા તાલુકાના લજાઈ ગામે વાડી વિસ્તારમાં આવેલ પાણીના ખાડામાં ડૂબી જવાના કારણે સગીરાનુ મોત નીપજ્યું હતું જેથી તેના ડેડબોડીને ટંકારાની સરકારી હોસ્પિટલ ખાતે લઈને આવ્યા હતા અને ત્યારબાદ આ બનાવની ટંકારા તાલુકા પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે.

જાણવા મળતી વિગત પ્રમાણે ટંકારા તાલુકાના લજાઈ ગામે સુરજભાઈ કોટડીયાની વાડીએ રહેતા અને મજૂરી કામ કરતા કાનજીભાઈ મેડા જાતે આદિવાસીની 16 વર્ષની દીકરી સંગુબેન ત્યાં વાડીની બાજુમાં આવેલ પાણીના ખાડામાં કોઈપણ કારણોસર પડી જતા પાણીમાં ડૂબી જવાના કારણે તેનું મોતી નીપજયું હતું. ત્યારબાદ તે સગીરાના મૃતદેહને ટંકારાની સરકારી હોસ્પિટલ ખાતે લઈને આવ્યા હતા. અને આ બનાવ અંગેની હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી રાબેતા મુજબની કાર્યવાહી હાથ ધરી છે.

બાઇક સ્લીપ

મોરબી નજીકના ઘૂટું ગામે રહેતા હિતેશભાઈ નાનજીભાઈ કૈલા (49) બાઈક લઈને ઘૂટું ગામ પાસેથી પસાર થઈ રહ્યા હતા. ત્યારે સરકારી શાળા પાસે તેનું બાઈક સ્લીપ થઈ ગયું હતું. જેથી અકસ્માતનો બનાવ બનેલ હતો જેમાં હિતેશભાઈને ઇજાઓ થતાં ખાનગી હોસ્પિટલમાં સારવાર માટે લઈને આવ્યા હતા અને ત્યાં તેઓને સારવાર આપીને આ બનાવની મોરબી તાલુકા પોલીસને જાણ કરી હતી જેથી પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ જે.પી. વસિયાણી ચલાવી રહ્યા છે