મોરબીની માધાપરવાડી શાળાના 800 વિદ્યાર્થીઓને ફુલસ્કેપ અર્પણ કરીને જન્મ દિન ઉજવાયો
મોરબીમાંથી ટ્રાન્સપોર્ટર ગુમા થવાના ગુનામાં પકડાયેલા આરોપીના ચાર દિવસના રિમાન્ડ
SHARE
![News Image](https://morbitoday.com/assets/blog/1722057806.jpg)
![](https://morbitoday.com/assets/images/advertisement/1725609793.jpg)
![](https://morbitoday.com/assets/images/advertisement/1717352591.jpg)
![](https://morbitoday.com/assets/images/advertisement/1725604583.jpg)
મોરબીમાંથી ટ્રાન્સપોર્ટર ગુમા થવાના ગુનામાં પકડાયેલા આરોપીના ચાર દિવસના રિમાન્ડ
મોરબીમાંથી ટ્રાન્સપોર્ટર એક મહિનાથી ગુમ થઈ ગયેલ છે. જેથી તેના ભાઈએ એક શખ્સની સામે અપહરણની ફરિયાદ નોંધાવેલ છે જેના આધારે પોલીસે ગુનો નોંધીને એક આરોપીની ધરપકડ કરેલ છે અને આ આરોપીને રિમાન્ડની માંગણી સાથે કોર્ટમાં રજૂ કરતાં કોર્ટે આરોપીના ચાર દિવસના રિમાન્ડ મંજૂર કરેલ છે.
હળવદની આસોપાલવ સોસાયટીમાં રહેતા શૈલેષભાઈ રમેશભાઈ કૈલા જાતે પટેલ (40)એ જીતેન્દ્ર આયદાનભાઇ ગજીયા રહે. વાવડીરોડ ભકિતનગર-૧ મોરબી વાળાની સામે તેના નાના ભાઈ જીતેન્દ્રભાઈ રમેશભાઈ કૈલા જાતે પટેલ (34) રહે. આસોપાલવ સોસાયટી હળવદ વાળો જેને જે.આર. રોડલાઇન્સ નામથી ટ્રાન્સપોર્ટ હતો તેના અપહરણની ફરિયાદ નોંધાવેલ છે. જેમાં તેને જણાવ્યુ છે કે, ગત તા. 20/6/24 ના બપોરના 2:00 વાગ્યાના અરસામાં મોરબીના નાની વાવડી ગામ પાસે આવેલ કબીર આશ્રમ નજીક નાનીવાવડી રોડ સતનામ કોમ્પલેક્ષમાં આવેલ આરોપીની ઓફીસે ગયો હતો ત્યાર બાદ ફરિયાદીના ભાઈના પત્નીના મોબાઈલ ફોન ઉપર ફોન આવ્યો હતો અને ત્યાર પછીથી ફરિયાદીનો ભાઈ ગુમ થઈ ગયેલ છે.
વધુમાં ફરિયાદી જણાવ્યુ છેકે, જીતેન્દ્ર આયદાનભાઇ ગજીયાએ તેના ભાઈ જીતેન્દ્રભાઇ કૈલા પાસથી ધીરાણ ભરવા માટે ૮,૦૦,૦૦૦ રૂપિયા લીધેલ હતા અને ત્યાર બાદ જમીન લેવા માટે સોદાખત કરવાનુ કહી ૧૦,૦૦,૦૦૦ રૂપિયા લીધેલ હતા અને આરોપીએ ફરિયાદીના ભાઈને ખોટુ સોદાખત બનાવીને તેની સાથે છેતરપીંડી અને વિશ્વાસઘાત કર્યો હતો. ત્યાર બાદ ફરિયાદીનો ભાઈ આરોપીને હાથ ઉછીના આપેલા રૂપીયા લેવા માટે ગયો હતો.
ત્યાર પછીથી તે ગુમ થયેલ છે જેથી પોલીસે અપહરણ, છેતરપિંડી અને વિશ્વાસઘાતની કલમ હેઠળ ગુનો નોંધીને આરોપી જીતેન્દ્ર ઉર્ફે જીતુ આયદાનભાઇ ગજીયા જાતે બોરિચા (37) રહે. ભક્તિનગર-1 રવાભાઇ ખાદાના મકાનમાં નાની વાવડી રોડ કબીર આશ્રમ પાસે મોરબી મૂળ રહે. ખાખરાળા વાળાની ધરપકડ કરેલ હતી. જે આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના ચાર દિવસના રિમાન્ડ મંજૂર કરેલ છે.
વધુમાં મોરબી એ ડિવિઝન પોલીસ સ્ટેશનના પીઆઇ હકૂમતસિંહ જાડેજા અને તેની ટીમ પાસેથી મળેલ માહિતી મુજબ હાલમાં અપહરણના ગુનામાં પકડાયેલ આરોપી અગાઉ જેતપુરમાં ડોક્ટરના દીકરાની હત્યાના ગુનામાં 19 વર્ષની તેની ઉમર હતી ત્યારે પકડાયો હતો અને તે 12 વર્ષ જેલમાં હતો. જો કે, અહી સૌથી મોટો સવાલ એ ઊભો થાય છે કે છેલ્લા એક મહિનાથી મોરબીમાંથી ગુમ થયેલ ટ્રાન્સપોર્ટર હાલમાં કયા છે.
![](https://morbitoday.com/assets/images/advertisement/1722835068.jpg)
![](https://morbitoday.com/assets/images/advertisement/1725546783.jpg)