જાણવા મળતી માહિતી પ્રમાણે મોરબી નજીકના લાલપર ગામે રહેતા વિપુલભાઈ ભુપતભાઈ કણસાગરા (22) નામનો યુવાન બે દિવસ પહેલા કોઈ કારણોસર લાલપર ગામ પાસેથી પસાર થતી નર્મદાની કેનાલમાં પડી ગયો હતો જેથી કરીને આ અંગેની જાણ જે તે સમયે ફાયર વિભાગની ટીમને કરવામાં આવી હતી જેથી ફાયર ની ટીમ ઘટના સ્થળે પહોંચી હતી અને કેનલમાં ડૂબી ગયેલા યુવાનની શોધખોળ હાથ ધરવામાં આવી હતી પરંતુ ત્યારે પાણીમાંથી યુવાન મળી આવ્યો ન હતો અને કેનાલમાં પાણી ચાલુ હોય પાણી મારફતે યુવાન મોરબીના મચ્છુ-2 ડેમ સુધી પહોંચ્યો હતો અને આજે સવારે પોણા દસ વાગ્યાના અરસામાં યુવાનનો મૃતદેહ મચ્છુ-2 ડેમમાંથી મળી આવ્યો છે અને મૃતક યુવાનના ડેડબોડીને ફાયરની ટીમ દ્વારા પાણીમાંથી બહાર કાઢવામાં આવી હતી અને આ અંગેની જાણ મોરબી તાલુકા પોલીસને કરતા પોલીસે બનાવની નોંધ કરી આગળની કાર્યવાહી હાથ ધરી છે