મોરબી નજીક ગોડાઉનમાં ચક્કર આવતા પડી જવાથી માથામાં ઇજા પામેલા આધેડનું સારવારમાં મોત
SHARE
JOIN OUR GROUP
મોરબી નજીક ગોડાઉનમાં ચક્કર આવતા પડી જવાથી માથામાં ઇજા પામેલા આધેડનું સારવારમાં મોત
મોરબીના રવાપર રોડ ઉપર આવેલ કાલિકા પ્લોટ વિસ્તારમાં રહેતા આધેડ પોતાના ઘરેથી ઇન્દિરાનગર વિસ્તારમાં ગોડાઉનમાં કામ કરતા હોય ત્યાં ગયા હતા અને ત્યાં કામગીરી દરમિયાન તેઓને ચક્કર આવતા તે પડી ગયા હતા જેથી તેને માથાના ભાગે ગંભીર ઇજા થયેલ હતી અને તેને મોરબીની ખાનગી હોસ્પિટલમાં સારવાર માટે લઈને આવ્યા હતા અને ત્યાં સારવાર દરમિયાન તેનું મોત નીપજયું હતું જેથી આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
જાણવા મળતી માહિતી મુજબ મોરબીના રવાપર રોડ ઉપર આવેલ કાલિકા પ્લોટ શેરી નં-1 માં મતવા જમાતખાનાની બાજુમાં રહેતા યુસુફભાઈ નુરમામદભાઈ ખુરેશી જાતે મતવા (50) પોતે પોતાના ઘરેથી ઇન્દિરાનગર વિસ્તારમાં આવેલ એ.બી. કોર્પોરેશનના ગોડાઉન ખાતે કામ કરવા માટે તેને ગયેલા હતા અને ત્યાં કામગીરી કરી રહ્યા હતા દરમિયાન તેઓને ચક્કર આવતા તે નીચે પડી ગયા હતા જેથી તેને માથાના ભાગે ગંભીર ઇજા થયેલ હતી અને તેઓને સારવાર માટે મોરબીની શિવમ હોસ્પિટલ ખાતે લઈને આવ્યા હતા અને ત્યાં ચાલુ સારવાર દરમિયાન તેનું મોત નીપજયું હતું જેથી આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ વી.કે.ચાવડા દ્વારા કરવામાં આવી હતી.
