મોરબીમાં વાડીની ઓરડીમાંથી 1585 બોટલ દારૂ-બિયરનો જથ્થો ઝડપાયો, બે સગાભાઈની શોધખોળ

મોરબીના અમરેલી રોડ ઉપર આવેલ દશામાના મંદિર પાસે વાડીની ઓરડીમાં દારૂનો જથ્થો હોવાની ચોક્કસ હકીકત મળી હતી જેના આધારે સ્થાનિક પોલીસ દ્વારા દારૂની રેડ કરવામાં આવી હતી ત્યારે ત્યાં સ્થળ ઉપરથી દારૂની જુદી જુદી બ્રાન્ડ અને સાઇઝની બોટલો તેમજ બિયરનો જથ્થો મળી આવ્યો હતો જેથી કુલ 1585 બોટલ દારૂ અને બિયરનો જથ્થો જેની કિંમત 2,88,253 થાય છે તેને કબ્જે કરેલ છે અને પોલીસે રેડ કરી હતી ત્યારે આરોપી હાજર ન હોય હાલમાં બે સગા ભાઇઓની સામે મોરબી બી ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે

મોરબી બી ડિવિઝન પોલીસની ટીમ પેટ્રોલિંગમા હતી ત્યારે બે દિવસ પહેલા એલસીબીની ટીમે વીસીપરા વિસ્તારમાં ઇંગ્લીશ દારૂ બિયરના જથ્થાનું કટીંગ કરવામાં આવે ત્યારે પહેલા જે સ્થળ ઉપર રેડ કરીને દારૂ અને બિયરનો જથ્થો તથા ટ્રક, ત્રણ ટ્રેક્ટર, ચાર બાઈક વગેરે મળીને 81.80 લાખ રૂપિયાની કિંમતનો મુદામાલ સ્થળ ઉપરથી કબજે કરવામાં આવ્યો હતો ત્યારબાદ સ્થાનિક પોલીસ દ્વારા તે વિસ્તારમાં પેટ્રોલિંગ કરવામાં આવી રહ્યું હતું તેવામાં પોલીસને બાતમી મળી હતી કે મોરબીના અમરેલી રોડ ઉપર દશામાના મંદિર પાસે વાડી વિસ્તારમાં રહેતા રોહિત ઉર્ફે બાબુભાઈ આગેચાણિયા અને તેના ભાઈ કિરીટ બાબુભાઈ અગેચાણીયાએ પોતાના મકાનની બાજુમાં તેઓની કબજા વાળી ઓરડીમાં દારૂ અને બિયરનો જથ્થો સંગ્રહ કરીને રાખેલ છે જેથી પોલીસ દ્વારા ત્યાં રેડ કરવામાં આવી હતી ત્યારે સ્થળ ઉપરથી દારૂ અને બિયરનો જથ્થો મળી આવ્યો હતો અને દારૂની અલગ અલગ બ્રાન્ડ અને સાઈઝની બોટલો તેમજ બિયરના ટીન મળી આવ્યા હતા જેથી 1585 બોટલો દારૂ બીયર જેની કિંમત 2,88,253 થાય છે તે મુદ્દામાલ કબજે કર્યો હતો જોકે, પોલીસ દ્વારા દારૂની રેડ કરવામાં આવી હતી ત્યારે આરોપી સ્થળ ઉપર હાજર ન હોય હાલમાં બી ડિવિઝન પોલીસ સ્ટેશન ખાતે બંને સગાભઇઓની સામે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે અત્રે ઉલ્લેખની છે કે અગાઉ એલસીબીની ટીમ દ્વારા જે દારૂની રેડ કરવામાં આવી હતી અને લાખ રૂપિયાનો મુદ્દામાન કબ્જે કરવામાં આવેલ છે તે ગુનામાં પણ દારૂ બિયરનો જથ્થો મંગાવનાર તરીકે રોહિત અને કિરીટનું નામ સામે આવ્યું હોય તે ગુનામાં પણ બંને આરોપીને પકડવાના હજુ બાકી છે