પત્ની અલગ રહેતી હોય સાણંદના યુવાને હળવદ નજીક હોટલના ગ્રાઉન્ડમાં ના કરવાનું કરી નાખ્યું
SHARE
JOIN OUR GROUP
પત્ની અલગ રહેતી હોય સાણંદના યુવાને હળવદ નજીક હોટલના ગ્રાઉન્ડમાં ના કરવાનું કરી નાખ્યું
હળવદ નજીક આવેલ હોટલના ગ્રાઉન્ડમાં સાણંદના રહેવાસી યુવાને તેના પત્ની છેલ્લા ત્રણેક વર્ષથી અલગ રહેતા હોય તેને મનોમન લાગી આવતા પોતે પોતાની જાતે ઝેરી દવા પી લીધી હતી જેથી કરીને તેનું મોત નીપજ્યું હતું અને તેના મૃતદેહને હળવદની સરકારી હોસ્પિટલ ખાતે લઈને આવ્યા હતા અને આ બનાવ અંગેની મૃતકના પરિવારજન દ્વારા હળવદ તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે.
જાણવા મળતી માહિતી મુજબ મૂળ અમદાવાદ નજીક આવેલ સાણંદમાં અંબાજી માતાજીના મંદિરની પાસે રહેતા ઉમશભાઇ હમીરજી જાડેજા (40) નામના યુવાને હળવદ નજીક આવેલ કનૈયા હોટલના ગ્રાઉન્ડમાં ઝેરી દવા પી લીધી હતી જેથી કરીને તેનું મોત નીપજયું હતું ત્યારબાદ તેના મૃતદેહને હળવદની સરકારી હોસ્પિટલ ખાતે લઈને આવ્યા હતા અને આ બનાવની ગીતાબા હમીરજી જાડેજા (38) રહે. અંબાજી માતાજીના મંદિર પાસે સાણંદ વાળાએ હળવદ તાલુકા પોલીસ સ્ટેશન ખાતે જાણ કરતા પોલીસે આપઘાતના બનાવની નોંધ કરી આગળની કાર્યવાહી હાથ ધરી છે અને પોલીસ પાસેથી મળતી વિગત પ્રમાણે મૃતક યુવાનના પત્ની છેલ્લા ત્રણેક વર્ષથી અલગ રહેતા હોય જે બાબતે તેને મનોમન લાગી આવતા યુવાને પોતે પોતાની જાતે ઝેરી દવા પીને આપઘાત કરેલ છે તેવું પ્રાથમિક તપાસમાં સામે આવ્યું છે જેની પોલીસે નોંધ કરી આગળની કાર્યવાહી હાથ ધરી છે.
