મોરબી નજીક હોટલમાં બાળ શ્રમિકને કામે રાખીને શોષણ કરનાર હોટલના સંચાલક સામે કાર્યવાહી

મોરબી વાંકાનેર હાઇવે રોડ ઉપર આવેલ જુના જાંબુડીયા ગામ પાસે હોટલમાં બાળકને મજૂરી કામે રાખવામાં આવેલ હતો જેથી કરીને બાળકને કામે રાખનારા હોટલના સંચાલક સામે ગુનો નોંધીને પોલીસે કાયદેસરની કાર્યવાહી હાથ ધરી છે

જાણવા મળતી માહિતી મુજબ મોરબી વાંકાનેર હાઇવે રોડ ઉપર આવેલ જુના જાંબુડીયા ગામ પાસે પેટ્રોલ પંપની બાજુમાં આવેલ મઢૂલી રામદેવ હોટલ ખાતે સગીર વયના બાળકને કામે રાખવામાં આવ્યો હતો અને ત્યાં રાત્રે દરમિયાન તેની પાસેથી સાફ-સફાઈ, ટેબલ સફાઈ, વાસણ સફાઈ તથા રસોઈ બનાવવાનું કામ કરાવવામાં આવતુ હતું અને તે બાળકનું શારીરિક અને આર્થિક શોષણ કરવામાં આવતું હતું જેથી હોટલના સંચાલક ભીમારામ હિન્દુરામ ખારા (35) રહે. મુળ ખારા મેહચાન તાલુકો શિણધરી રાજસ્થાન હાલ રહે. જુના જાંબુળીયા ગામ પાસે મોરબી વાળાને પકડીને તેની સામે બાળ અને તરૂણ (પ્રતિબંધિત) કાયદાની સને-1986 ની કલમ- 3, 7 અને 14 (1) તથા જુવેનાઇલ જસ્ટીસ (કેર એંડ પ્રોટેકશન ઓફ ચીલ્ડ્રન) એક્ટ- 2015 ની કલમ 79 મુજબ ગુનો નોંધીને પોલીસે તેને પકડીને કાયદેસરની કાર્યવાહી હાથ ધરી હતી