મોરબીમાં ઝડપાયા આંતરરાજ્ય ઘર ફોડ ચોરી કરતી શીકલીગર ગેંગ ના ત્રણ સભ્યો
Morbi Today
મોરબી મહાપાલિકા દ્વારા કાલે પુસ્તક પ્રદર્શન કમ ડોનેશન કાર્યક્રમ યોજાશે
SHARE
JOIN OUR GROUP
મોરબી મહાપાલિકા દ્વારા કાલે પુસ્તક પ્રદર્શન કમ ડોનેશન કાર્યક્રમ યોજાશે
મોરબી મહાનગરપાલિકા અને પુસ્તક પરબ-મોરબી દ્વારા આવતીકાલ તા. ૧૬ ના રોજ સવારના ૦૯:૦૦ કલાકથી ૧૧:૦૦ કલાક સુધી પુસ્તક પ્રદર્શન કમ ડોનેશન કાર્યક્રમનું આયોજન કરવામાં આવ્યું છે.
મોરબીના નગરવાસીઓમાં પુસ્તકોના વાંચન પ્રત્યે જાગૃતિ વધે તેવા ઉમદા હેતુથી કેસરબાગ-મોરબી ખાતે સમગ્ર કાર્યક્રમનું આયોજન કરાશે. આ ઉપરાંત કાર્યક્રમમાં પુસ્તક પરિચય-બુક ટોક કાર્યક્રમ યોજવામાં આવશે. જેમાં મોરબીના પ્રસિદ્ધ કવિ જલરૂપ રૂપેશ પરમાર અને રાજ્યકક્ષાની વાર્તા સ્પર્ધામાં મોરબીનું પ્રતિનિધિત્વ કરનાર કાવ્યા પૈજા દ્વારા પુસ્તક પરિચય આપવામાં આવશે. આ પ્રદર્શન મોરબી મહાપાલિકાના મ્યુનિસિપલ કમિશ્નર સ્વપ્નિલ ખરેના હસ્તે ખુલ્લું મુકવામાં આવશે. મોરબીની જાહેર જનતાને આ પ્રદર્શન નિહાળવા અને પોતાના પુસ્તકો લાયબ્રેરીને દાન કરવા અંગે અપીલ કરવામાં આવે છે. તેમ ડેપ્યુટી કમિશ્નર, મોરબી મહાપાલિકાની યાદીમાં જણાવવામાં આવ્યું છે.
