મોરબીના જેતપર રોડ ઉપર આવેલ બેલા ગામની સીમમાં સ્પાની ઓફિસની અંદર એકદમ દરવાજો ખોલવામાં આવેલ હતો ત્યારબાદ ત્યાં હાજર રહેલ મહિલાને લાફા મારવામાં આવ્યા હતા અને અન્ય પાંચ શખ્સોએ ત્યાં આવીને જેમ ફાવે તેમ ગાળો આપી હતી અને લાકડી વડે મહિલાને માર મારીને જાનથી મારી નાખવાની ધમકી આપવામાં આવી હતી જેથી ભોગ બનેલ મહિલા દ્વારા હાલમાં મોરબી તાલુકા પોલીસ સ્ટેશન ખાતે કુલ છ શખ્સોની સામે ફરિયાદ નોંધાવવામાં આવતા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે.

જાણવા મળતી માહિતી મુજબ મૂળ એમપી ના ઈન્દોરના રહેવાસી અને હાલ મોરબીના જેતપર રોડ ઉપર આવેલ બેલા ગામ પાસે નેક્ષા સ્પાની ઓફીસમાં રહેતા આઈશાબેન અનીશભાઈ ખાન (35) નામની મહિલાએ મોરબી તાલુકા પોલીસ સ્ટેશન ખાતે મેહુલ ઠાકરશીભાઈ માકાસણા, મેહુલ જયેશભાઈ આચાર્ય રહે. બંને બેલા તથા અન્ય ચાર અજાણ્યા શખ્સો આમ કુલ છ વ્યક્તિઓ સામે ફરિયાદ નોંધાવી છે જેમાં તેને જણાવ્યુ છે કે, બેલા ગામની સીમમાં આવેલ નેક્ષા સ્પાની ઓફીસમાં મેહુલ માકાસણાએ એકદમ આવીને દરવાજો ભટકાડતા ફરિયાદી મહિલાએ તેને ના પડી હતી જેથી તે બાબતનો ખાર રાખીને ફરિયાદી મહિલાને લાફા મારવામાં આવ્યા હતા અને ત્યારબાદ મેહુલ આચાર્ય અને અન્ય ચાર શખ્સો ત્યાં આવ્યા હતા અને ફરિયાદી મહિલાને જેમ ફાવે તેમ ગાળો આપી હતી અને મેહુલ માકાસણાએ લાકડી વડે ફરિયાદી મહિલાને માર માર્યો હતો અને જાનથી મારી નાખવાની ધમકી આપી હતી જેથી ભોગ બનેલ મહિલા દ્વારા ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે જે અંગેની આગળની વધુ તપાસ ફિરોજભાઈ સુમરા ચલાવી રહ્યા છે.