વાંકાનેરના રંગપર ગામ પાસે કારખાનામાં ગરમ રોલર ઉપર પડતાં દાઝી ગયેલા તરુણનું મોત
Morbi Today
મોરબી નજીક રિક્ષામાં આગ લાગતા દાઝી ગયેલ યુવાનનું સારવાર દરમ્યાન મોત
SHARE
JOIN OUR GROUP
મોરબી નજીક રિક્ષામાં આગ લાગતા દાઝી ગયેલ યુવાનનું સારવાર દરમ્યાન મોત
મોરબી હળવદ હાઇવે રોડ ઉપર ઘૂટું ગામની સીમમાં કેનાલ પાસેથી યુવાને રિક્ષા લઈને પસાર થઈ રહ્યો હતો ત્યારે કોઈ કારણોસર રિક્ષામાં આગળના ભાગે આગ લાગતા તે યુવાન શરીરે દાઝી ગયો હતો જેથી તેને પ્રથમ સારવાર માટે મોરબી અને ત્યાંથી વધુ સારવાર માટે રાજકોટ સુધી લઈ ગયા હતા જો કે, સારવાર કારગત ન નિવડતાં તે યુવાનનું સારવાર દરમિયાન મોત નીપજયું છે અને આ બનાવની મૃતકના ભાઈ દ્વારા મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.
જાણવા મળતી માહિતી મુજબ મોરબી તાલુકાના આંદરણા ગામે રહેતો અને રીક્ષા ડ્રાઇવિંગનું કામ કરતો વસંતભાઈ અમરશીભાઈ ચાવડા (35) નામનો યુવાન ગત તા. 1/4/ 25 ના રોજ સવારના 7:30 વાગ્યાના અરસામાં પોતે પોતાના ઘરેથી મોરબી બાજુ સીએનજી રીક્ષા નંબર જીજે 36 ડબલ્યુ 2003 લઈને આવી રહ્યો હતો દરમિયાન મોરબી ઘૂટું ગામ પાસે આવેલ નર્મદાની કેનાલ પાસે તેની રીક્ષા પહોંચી હતી ત્યારે કોઈ કારણોસર રિક્ષામાં આગળના ભાગમાંથી આગ લાગી હતી જેથી કરીને વસંતભાઈ ચાવડા ગંભીર રીતે શરીરે દાઝી ગયા હતા માટે તેને સારવારમાં પ્રથમ મોરબીની સરકારી હોસ્પિટલ ખાતે લઈને આવ્યા હતા અને ત્યાંથી વધુ સારવાર માટે રાજકોટની સરકારી હોસ્પિટલ ખાતે લઈ જવામાં આવ્યા હતા અને ત્યાં સારવાર ચાલી રહી હતી દરમિયાન ગઈકાલ તા. 7/4/25 ના રોજ સવારે 8:30 વાગ્યાના અરસામાં ચાલુ સારવાર દરમિયાન તે યુવાનનું મોત નીપજયું હતું જેથી આ બનાવની મૃતક યુવાનના નાના ભાઈ હરેશભાઈ અમરશીભાઈ ચાવડા (34) રહે આંદરણા વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે.
