માળીયા (મી)ના અણીયારી ટોલનાકા પાસેથી ૭૬ બોટલો સાથે ટ્રક ઝડપાયો: ૧૫.૫૬ લાખના મુદામાલ સાથે એકની ધરપકડ, એક ફરાર

માળીયા (મી)ના અણીયારી ટોલનાકા પાસેથી ટ્રક પસાર થતો હતો જેને રોકીને પોલીસે ચેક કર્યો હતો ત્યારે ટ્રકમાંથી દારૂની ૭૬ બોટલો મળી આવી હતી જેથી કરીને ૫૬,૭૮૮ નો દારૂ તેમજ ટ્રક સહિત કુલ મળીને ૧૫,૫૬,૭૮૮ ના મુદ્દામાલ સાથે એક ઇસમની પોલીસે ધરપકડ કરી છે

માળીયા મિયાણાં તાલુકા પીઆઇ આર.સી. ગોહિલની સૂચના મુજબ સ્ટાફ કામ કરી રહ્યો છે તેવામાં પૃથ્વીરાજસિંહ જાડેજા, પ્રવિણસિંહ રાઠોડ તથા રાજેન્દ્રસિંહ સોલંકીને સંયુકતરાહે બાતમી મળી હતી કે, માળીયા (મિ) તાલુકાના અણીયારી ટોલનાકાથી ભારતીય બનાવટની અલગ-અલગ બ્રાન્ડની ઇગ્લીશ દારૂની બોટલ ટ્રકમાં લઈને જવાના છેવ જેથી કરીને પોલીસે ટ્રક નંબર આરજે ૩૦ જીએ ૯૩૬૯ ને ચેક કર્યો હતો તેમાંથી ૭૬ બોટલ દારૂ મળી આવેલ હતો જેથી ૫૬,૭૮૮ ની કિંમતનો દારૂ અને ૧૫ લાખનો ટ્રક આમ કુલ મળીને ૧૫,૫૬,૭૮૮ ના મુદ્દામાલ સાથે આરોપી ગોપાલસિંગ છોગસિંહ રાવત (૪૩) રહે. રાજવા, ધોરા તાલુકો બ્યાવર રાજસ્થાન વાળાની ધરપકડ કરેલ છે અને રેડ પડી હતી ત્યારે આરોપી બહાદુરસિંહ મોહનસિંહ રાવત રહે. રાજવા, તાલુકો બ્યાવર રાજસ્થાન વાળો નાસી ગયો હતો જેથી બંને સામે તાલુકા પોલીસ સ્ટેશનમાં ગુનો નોંધીને બીજા આરોપીને પકડવા માટે ચક્રોગતિમાન કરેલ છે.