વાંકાનેર નજીક કાર ચાલકે સ્કૂટરને હડફેટે લેતા ઇજા પામેલ બે યુવાન સારવારમાં
Morbi Today
હળવદના સુસવાવ ગામે વડીલો પાર્જિત ખેતીની જમીનમાં ટ્રેક્ટર લઈ જવા બાબતે ભાઈને ભાઈએ મારમાર્યો: બે મહિલા સહિત ત્રણ સામે ફરિયાદ
SHARE
JOIN OUR GROUP
હળવદના સુસવાવ ગામે વડીલો પાર્જિત ખેતીની જમીનમાં ટ્રેક્ટર લઈ જવા બાબતે ભાઈને ભાઈએ મારમાર્યો: બે મહિલા સહિત ત્રણ સામે ફરિયાદ
હળવદ તાલુકાના સુસવાવ ગામે રહેતા વૃદ્ધની વડીલો પાર્જિત ખેતીની જમીનમાં જવા માટેનો રસ્તો તેઓના ભાઈના ભાગમાં આવેલા વાડીની જમીનમાંથી નીકળતો હોય તે વાડીના ગેટ પાસેથી ટ્રેક્ટર લઈને વૃદ્ધ જતા હતા ત્યારે ટ્રેક્ટર લઈ જવાની તેને ના પાડી હતી અને તેની સાથે બોલાચાલી અને ઝઘડો કર્યો હતો અને ત્યારબાદ વૃદ્ધને તેના ભાઈ અને બે મહિલા ધોકા અને બેટ વડે માથામાં તથા શરીરે માર મારવામાં આવ્યો હતો જેથી ઈજા પામેલ હાલતમાં વૃદ્ધને સારવાર માટે હોસ્પિટલે લઈને આવ્યા હતા અને ત્યાર બાદ વૃદ્ધે નોંધાવેલ ફરિયાદ આધારે પોલીસે ત્રણ વ્યક્તિઓ સામે ગુનો નોંધી આરોપીઓને પકડવા માટે તજવીજ શરૂ કરેલ છે
જાણવા મળતી માહિતી મુજબ હળવદ તાલુકાના સુસવાવ ગામે રહેતા વીરાભાઇ દુદાભાઈ પીપરોતરા (60) નામના વૃદ્ધે પોતાના ભાઈ સવદાસભાઈ દુદાભાઈ પીપરોતરા, જાજીબેન સવદાસભાઈ પીપરોતરા અને નીતાબેન કમલેશભાઈ પીપરોતરા રહે. સુસવાવ વાળાની સામે હળવદ તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યુ છે કે, તેઓની વડીલો પાર્જિત જમીન આવેલ છે તે બંને ભાઈને અડધી અડધી ભાગમાં આવેલ છે અને ફરિયાદીની વાડીમાં જવા માટેનો રસ્તો આરોપી સવદાસભાઈની વાડીના ગેટ પાસેથી જાય છે જેથી ફરિયાદી તેમની વાડીના ગેટ પાસેથી ટ્રેક્ટર લઈ જતા હતા ત્યારે તેને ટ્રેક્ટર લઈ જવાની ના પાડી હતી અને તેની સાથે બોલાચાલી ઝઘડો કરીને ગાળો આપવામાં આવી હતી અને ત્યારે સવદાસભાઇએ પોતાના હાથમાં રહેલ ધોકા વડે ફરિયાદીને માથાના ભાગે તથા જમણા પડખાના ભાગે માર માર્યો હતો અને જાજીબેને હાથમાં રહેલ ક્રિકેટના બેટ વડે તથા નીતાબેને લાકડાના ધોકા વડે ફરિયાદીને ડાબા હાથના કાંડાના ભાગે, ડાબા પગમાં અને માથાના ભાગે માર માર્યો હતો જેથી ઈજા પામેલ વૃદ્ધને સારવાર માટે લઈ ગયા હતા અને ત્યાં તેને માથાના ભાગે ટાંકા આવ્યા હતા તથા ડાબા હાથના કાંડાના ભાગે અને પગના ફ્રેક્ચર જેવી ગંભીર ઈજા થયેલ છે જેથી ઇજાગ્રસ્ત વૃદ્ધને સારવારમાં ખસેડાયેલ હતા અને ત્યાર બાદ તેને નોંધાવેલ ફરિયાદ આધારે પોલીસે બે મહિલા સહિત કુલ ત્રણ સામે ગુનો નોંધી આરોપીને પકડવા માટે તજવીજ શરૂ કરેલ છે
