ઝેરી દવા પીધી

મોરબીમાં ભડિયાદ કાંટા પાસે આવેલ જવાહર સોસાયટીમાં રહેતા રમણભાઈ કરસનભાઈ સોલંકી (19) નામનો યુવાન કોઈ કારણોસર ઝેરી દવા પી લીધી હતી જેથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.તેમ પોલીસ સુત્રોએ જણાવેલ છે.

અકસ્માતમાં ઇજા

મોરબીના વીસીપરા વિસ્તારમાં રહેતા આયસાબેન સલીમભાઈ (48) નામના મહિલાને રોહીદાસપરા વિસ્તાર પાસે કોઈ અજાણ્યા બાઈકના ચાલકે હડફેટે લેતા અકસ્માત થયો હતો જે બનાવમાં ઇજા પામેલ મહિલાને સારવાર માટે હોસ્પિટલે લઈને આવ્યા હતા અને આ બનાવની પોલીસને જાણ કરવામાં આવી હતી.

બાળક સારવારમાં

માળીયા (મી)ના જાજાસર ગામે રહેતો કુલદીપ ઉકાભાઇ મકવાણા (7) નામનો બાળક તેના દાદા સાથે રિક્ષામાં વાડીએ જઈ રહ્યો હતો ત્યારે રિક્ષા પલટી જવાના કારણે અકસ્માત થયો હતો અને અકસ્માતના બનાવમાં બાળકને ઈજા થઈ હોવાથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી