મોરબી: નવરાત્રી અન્વયે જિલ્લા કક્ષાએ રાસ ગરબા સ્પર્ધા યોજાશે
Morbi Today
મોરબીમાં ૧૮ જુલાઈએ મહાપાલિકાની સંકલન સમિતિની બેઠક યોજાશે: વાંકાનેરમાં ૧૮ જુલાઇએ યોજાશે ઔદ્યોગિક ભરતી મેળો
SHARE
JOIN OUR GROUP
મોરબીમાં ૧૮ જુલાઈએ મહાપાલિકાની સંકલન સમિતિની બેઠક યોજાશે: વાંકાનેરમાં ૧૮ જુલાઇએ યોજાશે ઔદ્યોગિક ભરતી મેળો
મોરબી મહાનગરપાલિકાની સંકલન સમિતિની બેઠકનું આયોજન કરવામાં આવ્યું છે અને આગામી તા.૧૮ જુલાઈના રોજ ઈસ્ટ ઝોન કચેરીના સભાખંડમાં સંકલન સમિતિની બેઠક યોજાશે
મોરબી મહાનગરપાલિકાની સંકલન સમિતિની બેઠક આગામી તા. ૧૮/૦૭/૨૦૨૫ ના રોજ બપોરે ૦૩:૦૦ કલાકે ઈસ્ટ ઝોન, મહારાણી નંદ કુવરબા આશ્રયગૃહ (રૈન બસેરા)ના સભાખંડ, ત્રીજો માળ, રેલ્વે સ્ટેશન રોડ, મોરબી ખાતે યોજાશે. આ બેઠકમાં મહાનગરપાલિકાની સંકલન સમિતિમાં રજૂ થયેલા વિવિધ પ્રશ્નોની સુનાવણી તથા સમીક્ષા હાથ ધરવામાં આવશે તેવું સંકલન સમિતિ સભ્ય સચિવ અને મોરબી મહાનગરપાલિકાના ડેપ્યુટી કમિશ્નર કુલદીપસિંહ વાળાની યાદીમાં જણાવાયું છે.
વાંકાનેરમાં ૧૮ જુલાઇના રોજ ઔદ્યોગિક ભરતી મેળો યોજાશે
મોરબી રોજગાર વિનિમય કચેરી દ્વારા તા.૧૮ ના રોજ સવારે ૧૧:૦૦ કલાકે આઈ.ટી.આઈ, તાલુકા સેવા સદનની સામે, વાંકાનેર-રાજકોટ હાઈવે, વાંકાનેર ખાતે ઔદ્યોગિક ભરતીમેળાનું આયોજન કરવામાં આવ્યું છે.
આ ભરતીમેળામાં મોરબી જિલ્લાના ખાનગી ક્ષેત્રના વિવિધ નોકરીદાતાઓ ઉપસ્થિત રહીને વિનામુલ્યે પસંદગીની કાર્યવાહી કરશે. ખાનગી ક્ષેત્રે નોકરી મેળવવા ઇચ્છુક, નોનમેટ્રીક /એસએસસી /એચએસસી /આઇટીઆઇ /સ્નાતક વગેરેની લાયકાત ધરાવતા તથા ૧૮ થી ૩૫ વર્ષની ઉંમર ધરાવતા ઉમેદવારોએ, તેમના તમામ શૈક્ષણિક લાયકાતના પ્રમાણપત્રો, શાળા છોડ્યાનું પ્રમાણપત્ર, પાસપોર્ટ સાઇઝના ફોટોગ્રાફ, આધારકાર્ડ, બાયોડાટા વગેરે સાથે સ્વખર્ચે ભરતીના સ્થળે, નિયત સમયે અને તારીખે અચુક ઉપસ્થિત રહેવું. રોજગાર વિનિમય કચેરી ખાતે નામ નોંધણી નહીં કરાવેલ ઉમેદવારો પણ હાજર રહી શકશે તેમ મોરબી જિલ્લા રોજગાર અધિકારીની યાદીમાં જણાવાયું છે.
