માળીયા (મી)ના અર્જુનનગર ગામના પાટિયા પાસેથી 470 બોટલ દારૂ ભરેલ કાર ઝડપાઇ, 16 લાખથી વધુનો માલ કબ્જે, આરોપી ફરાર

સામખયારી તરફથી કારમાં દારૂનો જથ્થો જામનગર તરફ જવાનો છે તેવી ચોક્કસ માળીયા  મિયાણાં તાલુકા પોલીસને મળી હતી જેથી માળિયામાં રેલ્વે ફાટક પાસે વોચ રાખવામાં આવી હતી ત્યારે મળેલ બાતમી મુજબની ગાડી આવી રહી હતી દરમ્યાન કારનો ચાલક પોલીસને જોઈ જતા તેણે પોતાની કારને યુટર્ન કરીને અર્જુનનગર ગામ તરફ ભાગાવી હતી અને ગામના પાટીયા પાસે ગાડીને છોડીને નાસી ગયો હતો જે ગાડીને ચેક કરવામાં આવતા ગાડીમાંથી 470 બોટલ દારૂ મળી આવતા 6,00,800 ની કિંમતનો દારૂ તથા 10 લાખ રૂપિયાની કિંમતની ગાડી એમ કુલ મળીને 16,00,800 ની કિંમતનો મુદ્દા માલ કબજે કર્યો છે અને કારનો ચાલક તેમજ તપાસમાં જેના નામ ખૂલે તેની સામે ગુનો નોંધીને પોલીસે આરોપીઓને પકડવા માટે આગળની કાર્યવાહી કરેલ છે.

માળીયા મીયાણા તાલુકા પોલીસની ટીમ પેટ્રોલિંગમાં હતી ત્યારે પૃથ્વીરાજસિંહ જાડેજા અને હરપાલસિંહ ખેરને મળેલ સંયુક્ત બાતમી મળી હતી કે, કચ્છના સામખયારી તરફથી નંબર જીજે 12 ડીજે 9081માં દારૂનો જથ્થો ભરીને જામનગર તરફ લઈ જવામાં આવી રહ્યો છે તેના આધારે માળિયા મીયાણા રેલવે ફાટક પાસે આવેલ રોડ ઉપર સ્થાનિક પોલીસે વોચ રાખી હતી તેવામાં મળેલ બાતમી મુજબની કાર આવી રહી હતી અને કારનો ચાલક સ્થળ ઉપર પોલીસને જોઈ જતા તેને પોતાની કારને યુટર્ન લગાવીને અર્જુનનગર તરફ પોતાની કારને ભાગાવી હતી અને અર્જુનનગર ગામના પાટીયા પાસે તે પોતાની કારને રેઢી મૂકીને તે નાસી છૂટ્યો હતો ત્યારબાદ પોલીસ દ્વારા તે કારને ચેક કરવામાં આવતા તેમાંથી અલગ અલગ બ્રાન્ડની દારૂની 470 બોટલો મળી આવી હોય પોલીસે 6,00,800 ની કિંમતનો દારૂનો જથ્થો તથા 10 લાખ રૂપિયાની કાર આમ કુલ મળીને 16,00,800 ની કિંમતનો મુદ્દા માલ કબજે કર્યો છે અને હાલમાં માળીયા તાલુકા પોલીસ સ્ટેશન ખાતે એન્ડએવર કારનો ચાલક તથા સાથે રહેલ અન્ય એક શખ્સ અને તપાસમાં જેના નામ સામે આવે તેની સામે ગુનો નોંધીને પોલીસે આરોપીઓને પકડવા માટે તજવીજ શરૂ કરેલ છે આ કામગીરી માળિયાની તાલુકા પોલીસ સ્ટેશનના પીઆઇ કે.કે.દરબારની સુચના મુજબ સ્ટાફ દ્વારા કરવામાં આવી હતી