નેકનામ ખાતે મહિલા કલ્યાણ દિવસ નિમિતે મહિલાલક્ષી જાગૃતિ શિબિર યોજાઈ

મહિલા કલ્યાણ દિવસ અન્વયે ટંકારા તાલુકાના નેકનામ ગામ ખાતે મહિલાલક્ષી જાગૃતિ શિબિર યોજાઈ હતી. આ શિબિરમાં ઉપસ્થિત મહિલાઓને સરકારના વિવિધ વિભાગોના અધિકારી અને કર્મચારીઓ દ્વારા જુદી જુદી યોજનાની અંગે વિસ્તૃત માહિતી આપવામાં આવી હતી તથા આ યોજનાઓ હેઠળ આપવામાં આવતા લાભો મેળવવા માટે પ્રોત્સાહિત કરવામાં આવ્યા હતા.

આ કાર્યક્રમમાં યોજનાકીય લાભ મેળવવા પાત્ર મહિલાઓને સ્થળ પર જરૂરી માર્ગદર્શન આપીને તેઓને સત્વરે યોજનાકીય લાભ મળી રહે તે મુજબની કામગીરી કરવામાં આવી હતી. આ કાર્યક્રમમાં જિલ્લા મહિલા અને બાળ અધિકારી જે.બી.ત્રિવેદી, નેકનામ ગામના સરપંચ કરણસિંહ જાડેજા તથા ગામના વિવિધ સામાજિક અગ્રણીઓ ઉપસ્થિત રહ્યા હતા.