મોરબી મહાપાલિકાની ટાઉન પ્લાનિંગ શાખા દ્વારા સેમિનારનું આયોજન

મોરબી શહેરી વિસ્તારમાં જે બાંધકામ કરવામાં આવે છે તેના માટે જરૂરી માહિતી અને માર્ગદર્શન લોકોને મળે તે હેતુ સાથે મોરબીમાં મહાપાલિકા દ્વારા ટાઉન પ્લાનિંગ શાખાના સેમિનારનું આયોજન કરવામાં આવ્યું છે અને શનિવારે આ સેમિનાર ઈસ્ટ ઝોન ઓફિસ ખાતે યોજાશે.

મોરબી મહાનગરપાલિકા દ્વારા તા.20 સપ્ટેમ્બરના રોજ સાંજે 5:00 વાગ્યે મોરબી મહાપાલિકાની ઈસ્ટ ઝોન ઓફિસ ખાતે ટાઉન પ્લાનિંગ શાખાના સેમિનારનું આયોજન કરવામાં આવ્યું છે અને આ સેમિનારમાં વિકાસ પરવાનગી, બાંધકામ વપરાશ પરવાનગી, ગ્રુડા, અન્ય ટાઉન પ્લાનિંગ તથા ફાયર એનઓસી સંબંધિત કામગીરીઓ અંગે વિસ્તૃત માર્ગદર્શન આપવામાં આવશે. મોરબી શહેરમાં ટાઉન પ્લાનિંગ સંબંધિત કામગીરી કરતા તમામ એન્જિનિયરો, આર્કિટેક્ટ્સ તથા પી.ઓ.આર.ને ઉપસ્થિત રહી માર્ગદર્શનનો લાભ લેવા મોરબી મહાનગરપાલિકાના નગર નિયોજક દ્વારા અનુરોધ કરવામાં આવેલ છે.