મોરબીમાં ભવ્ય કાશી દિવ્ય કાશી અંતર્ગત બાઈક રેલી-કળશ યાત્રા સહિતના કાર્યક્ર્મ યોજાયા
Morbi Today
વાંકાનેરના સરતાનપર રોડે કારખાનામાં લોડરની હડફેટે ચડી જતાં યુવાનનું મોત
SHARE
JOIN OUR GROUP
વાંકાનેરના સરતાનપર રોડે કારખાનામાં લોડરની હડફેટે ચડી જતાં યુવાનનું મોત
વાંકાનેર તાલુકાના રાતાવીરડા પાસે સરતાનપર રોડ ઉપર આવેલ કારખાનામાં લોડરની હડફેટે ચડી જવાથી યુવાનનું મોત નિપજયું હતું જે બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરેલ છે.
બનાવની જાણવા મળતી વિગત મુજબ વાંકાનેર તાલુકાના રાતાવિરડા ગામ પાસે સરતાનપર રોડ ઉપર આવેલ લોસેરા સિરામિકની અંદર રહેતા અને મજૂરી કામ કરતાં બીક્રમભાઈ ગોસાઈ (ઉંમર ૨૩) ને તારીખ ૧૨ ના રોજ રાત્રીના ૧૨ વાગ્યે લોડર ચાલકે અડફેટે લીધો હતો જેથી કરીને તેને ઇજાઓ થવાથી તેનું મોત નિપજ્યું હતું. આ બનાવ બાદ મૃતક યુવાનના મૃતદેહને પીએમ માટે હોસ્પિટલ ખાતે ખસેડવામાં આવ્યો હતો અને આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
માર માર્યો
મોરબીના નવલખી રોડ ઉપર આવેલ રણછોડનગર વિસ્તારમાં છોકરાઓ વચ્ચે થયેલ ઝઘડામાં માનવ નિલેશભાઈ જોગેલા (ઉંમર ૮) નામના બાળકને તેઓના રહેણાંક મકાન પાસે રહેતા લાલા નાના છોકરાએ માથામાં ધોકો ફટકાર્યો હતો જેથી કરીને માનવને ઈજા થવાથી તેને સારવાર માટે ખસેડવામાં આવ્યો હતો અને આ બનાવની બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
અકસ્માતમાં ઇજા
મોરબીના લખધીરપૂર રોડ ઉપર આવેલ હોલીસ સીરામીક પાસેથી બાઇક લઇને પસાર થયેલા યુવાને બાઇક પરથી પડી જતાં ઈજા થઈ હતી જેથી કરીને ઇજાગ્રસ્ત યુવાન શેરસિયા હિદાયતુલ હસનભાઈ (ઉંમર ૩૩) રહે વીસીપરા મદીના સોસાયટી વાળાને સારવાર માટે હોસ્પિટલમાં ખસેડવામાં આવ્યો હતો અને આ બનાવની નોંધ કરી પોલીસે આગળની કાર્યવાહી હાથ ધરી હતી
બાઈકમાથી સ્લીપ
મોરબી તાલુકાના રંગપર ગામે ઘરેથી બાઈકમાં બેસીને દુકાને જઈ રહેલ હર્ષ હસમુખભાઈ ભેંસદડિયા (ઉમર વર્ષ ૯) બાઈકમાં સંતુલન ન રહેતા તે નીચે પટકાયો હતો જેથી કરીને તેને ઇજાઓ થવાથી સારવાર માટે ખસેડવામાં આવ્યો હતો અને અકસ્માતના બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
