મોરબીના લાલપર પાસેથી બાઇક સ્લીપ થતાં માથામાં ઇજા પામેલ યુવાનનું સારવારમાં મોત
મોરબીના દલવાડી સર્કલ પાસે એસિડ પી ગયેલ યુવાનનું રાજકોટ ખાતે સારવારમાં મોત
SHARE
મોરબીના દલવાડી સર્કલ પાસે એસિડ પી ગયેલ યુવાનનું રાજકોટ ખાતે સારવારમાં મોત
મોરબીના બાયપાસ રોડ ઉપર આવેલ તુલસી પાર્ક પાસે રહેતા યુવાને દલવાડી સર્કલ પાસે એસિડ પી લેતા તેને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ સુધી લઈ ગયા હતા જોકે, સારવાર કારગત ન નિવડતા તે યુવાનનું મોત નીપજયું હતું અને આ બનાવની હોસ્પિટલ મારફતે પોલીસને જાણ કરવામાં આવતા પોલીસે આગળની કાર્યવાહી હાથ ધરી છે.
જાણવા મળતી માહિતી પ્રમાણે મોરબીના બાયપાસ રોડ ઉપર આવેલ પાપાજી ફન વર્લ્ડની પાછળના ભાગમાં તુલસી પાર્ક પાસે રહેતા યુવરાજસિંહ ભરતસિંહ ઝાલા (43) નામના યુવાને દલવાડી સર્કલ નજીક કોઈપણ કારણોસર એસિડ પી લેતા તેને તાત્કાલિક સારવાર માટે પ્રથમ મોરબીને સનાળા રોડ પર આવેલ ક્રિષ્ના હોસ્પિટલ ખાતે લઈ ગયા હતા અને ત્યાંથી વધુ સારવાર માટે તેને રાજકોટની હોસ્પિટલ ખાતે લઈ જવામાં આવ્યો હતો અને ત્યાં સારવાર દરમિયાન તે યુવાનનું મોત નીપજયું હતું જેથી હોસ્પિટલ મારફતે આ બનાવની પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી.
વૃદ્ધા સારવારમાં
મોરબીના નાની કેનાલ રોડ ઉપર આવેલ તુલસી ટ્વિન્સના ફ્લેટમાં રહેતા વનિતાબેન ઈશ્વરભાઈ કડીવાર (62) નામના વૃદ્ધા બાઈક પર બેસીને છાત્રાલય રોડ ઉપરથી પસાર થઈ રહ્યા હતા ત્યારે કોઈ કારણસર બાઈકમાંથી પડી જતા તેને ઈજા થઈ હતી જેથી તેને સારવાર માટે હોસ્પિટલે લઈને આવ્યા હતા અને આ બનાવની પોલીસને જાણ કરવામાં આવી હતી.
વૃદ્ધ સારવાર
મોરબીના મહેન્દ્રનગર ગામ પાસે રહેતા હરજીવનભાઈ દેવજીભાઈ કારોલીયા (71) નામના વૃદ્ધ બાઈકમાં બેસીને ધર્મમંગળ રેસિડેન્સી ખાતે ઘુડા રોડ ઉપર જઈ રહ્યા હતા ત્યારે અકસ્માત થયો હતો જે બનાવમાં ઈજા પામેલા વૃદ્ધને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપીને આ બનાવની પોલીસને જાણ કરવામાં આવી હતી
બાઇક સ્લીપ
માળીયા (મી)ના ભાવપર ગામે રહેતા કરસનભાઈ ગાંડુભાઈ બાવરવા (50) નામના આધેડ મોરબીના પંચાસર રોડ ઉપર આવેલ પ્રમુખ સ્વામી સોસાયટી પાસેથી બાઈક લઈને જઈ રહ્યા હતા ત્યારે બાઇક સ્લીપ થવાના કારણે અકસ્માત થયો હતો જે બનાવમાં ઈજા પામેલ આધેડને સારવાર માટે હોસ્પિટલે લઈને આવ્યા હતા ત્યાં તેને સારવાર આપીને આ બનાવની પોલીસને જાણ કરી હતી.