મોરબી જિલ્લામાં વિચરતી વિમુક્ત જાતિના પ્રશ્નોનો નિકાલ કરવા આગેવાનો દ્વારા રજૂઆત કરાઇ

મોરબી જિલ્લા કલેકટર કે.બી.ઝવેરી અને અધિક કલેકટર શિવરાજસિંહ ખાચરની ગુજરાત સરકારના સામાજિક ન્યાય સમિતિના સદસ્ય કાંતિભાઈ પરમારની આગેવાનીમાં રૂબરૂ મુલાકાત કરવામાં આવી હતી. આ તકે મોરબી જિલ્લા વિચરતી વિમુક્ત જાતિની ટીમના પ્રમુખ સુરેશભાઈ શિરોહિયા, ઉપપ્રમુખ વસંતલાલ વ્યાસ, સહમંત્રી અજયભાઈ વાઘાણી, સદસ્ય ગુલાબગીરી અને નારસિંગ સરદાર હાજર રહ્યા હતા. આ મુલાકાતમાં કલેકટરને મોરબી જિલ્લાના પડતર પ્રશ્નોની રજૂઆતો કરવામાં આવી હતી. મોરબી જિલ્લામાં જે વિચરતી વિમુક્તિ જાતીને લાભ મળતા હોય એના વિશે ઘટતું કરવા ચર્ચાઓ કરી હતી. તેમજ જીલ્લા પોલીસવડા મુકેશભાઈ પટેલ તેમજ ડીવાયએસપી દલવાડી અને ડીવાયએસપી સારડાની શુભેચ્છા મુલાકાત કરી હતી. અને વિચરતી વિમુક્ત જાતિના મોરબી જિલ્લાના પ્રશ્નોનો નિકાલ કરવા રજૂઆત કરવામાં આવી હતી.